Portuqaliya mənşəli britaniyalı repçi və müğənni IAMDDB İsrail hökumətinin rəsmi sosial şəbəkə hesablarında yayımlanan süni intellekt videosunda simasından icazəsiz istifadə olunmasına kəskin etiraz edib.
Kulis.az xəbər verir ki, silinmiş klipdə onun 2018-ci ildə çəkdirdiyi fotosundakı geyim və xarici görünüşü süni intellekt vasitəsilə mənimsənilərək təbliğat xarakterli ifadələr səsləndirilib.
Sənətçi sosial şəbəkə hesabında rəsmi bəyanat yayaraq bu görüntülərə razılıq vermədiyini deyib.
"Şəklimin bu videoda istifadə olunmasına nə icazə verdim, nə də razılıq göstərdim. Musiqimə və sənətimə hər zaman sevgi, azadlıq və insanlıq prizmasından yanaşmışam. Günahsız insanların öldürülməsini dəstəkləmirəm. Qəlbim xüsusilə dəhşətli acılar yaşayan Fələstin xalqının yanındadır. Səsim də, dəyərlərim də mənə məxsusdur. Fələstinə azadlıq!", deyə o, vurğulayıb.
Qeyd edək ki, sənətçi həmçinin imicini qorumaq üçün hüquqi addımlar atacağını bəyan edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər