writer1

Ayxan Ayvaz

Məqalə sayı

444
clock12:47 calendar-gray 30 May 2017 view-gray343 dəfə oxunub
view-gray343 dəfə oxunub

Mövlud öz təqdimatından nə danışardı?

Mövludun kitabı gəldi, yadıma Mövludlu günlər düşdü...

Hər gün “28 May” metrosunun çıxışında görüşürdük. Mövlud soruşurdu: “Cibində nə qədər pul var?” Mən də deyirdim: “Diri beş”. Gülümsünür, “getdik” deyirdi.

Hansısa ucuz kafelərin birində əlini-qolunu sallaya-sallaya danışırdı: “Kitabımı çıxaracam. Balaca bir kitab. Adını da tapmışam”.

“Nə qoyacaqsan?”

“Çətirsiz”

Elə indi “Çətirsiz” əlimdədir, üz qabığında islanmış küçəylə gedən tənha bir adam, arxasında Mövludun əl eləyən şəkli...

O şəkilin də hekayəsi var. Dostumuz Şahin Yüksəllə Mövludu gözləyirdik. Həyat dolu, insanı yaşamağa səsləyən bir hava vardı. Şahin fotoapartını çıxarıb maraqlı kadr axtarışındaydı. Bu vaxt mənim gözlərim tünlüyün arasında gülümsəyərək bizə yaxınlaşan Mövludu gördü. “Çırrık, çırık” – Şahin Mövlud əl eləyəndə çəkdi bu şəkli. Bu şəkil Mövludun ən yaxşı şəkli oldu.

Mövludun hekayələri də özü kimidir: bir az əsəbi, bir az tələskən və bir az da qəmli. Necə danışırdısa əhvalatı, o cür də yazırdı. İndi çantamda daşıdığım, dəfələrlə oxuduğum bu hekayələri bir də oxudum. Bu dəfə Mövludsuz...

Ağrılı, əzablı hekayələr...

Mövlud kimi gərgin, tez özündən çıxan, küsəyən...

Selincervari, qəribə, sirli hekayələr...

“Təzə hekayəmi oxudun?” – həmişə soruşardı.

“Hə, oxudum”.

“Nə təhər yazmışam, sən canın?”

“Yenə ağlaşma qurmusan.”

Əlini-əlinə vurub şaqqanaq çəkir.

Başqa bir dialoqumuz:

“Təzə roman yazıram” – müdrik ədayla danışır.

“Nə qədər yazmısan? Nədəndi?”

“Birinci cümləsi hazırdı”.

Bir-birimizə baxıb gülürük.

Keçən dəfə “28 May” metrosu yaxınlığında, həmişə oturduğumuz kafeyə getdim. Mövludun kitabı da yanımda...

Həmişə bizə xidmət eləyən xanım mehribanlıqla nə istədiyimi soruşdu.

Bir anlıq düşündüm ki, o, Mövludun öldüyündən xəbərsizdi. Və o anda qəribə bir hiss doldu içimə: biz də elə bu qadın kimi xəbərsiz olsaq nə gözəl olardı. Elə bil heç o intihar hadisəsi yoxdu. Bir azdan Mövlud gələcək. Masaya iki stəkan qoysun bu qadın. Mən də Mövludun kitabını vərəqləyim. O da gəlib kürəyimə vursun və desin ki, nə təhər yazmışam?...

Kitabının imza günüdür. Mövlud da işi çıxıb gələ bilməyib. Axşam kafedə görüşəndə soruşur:

- Kimlər gəlmişdi?

- Səfər, Murad, Fəxri, Şərif...

- Yaxşı da... Məzələnmə...

- Vallah...

- Kəramət aparırdı tədbiri...

- Nə deyirdi, sən canın?

- Deyirdi, Mövludun gözəl qələmi var...

- Pah! Ədəbiyyatda bəlkə bununla qaldı. Bəs Şərif?

- O da deyir, gələcəyin böyük yazıçısı olacaq.

- Yalan deyir. Ürəyində elə fikirləşmir. Sadəcə, təqdimatdı deyə üzə düşüb. Sən canın, Səfərnə deyirdi, Səfər?

- İstedadlıdır deyirdi...

- Səfərə bax sən canın! Gör necə aldatmışam e hamısını... – əlini əlinə vurub uğunub gedəcək.

...Mövludu həmişə gülüşlə xatırlayıram...

Uşaq gülüşü ilə...

Bu hekayələr də öz uşaqlığının axtarışına çıxmış bir insanın tənhalığıdır...

Mövlud tənhalığı...

Görüntünün olası içeriği: 1 kişi, oturuyor, masa, ağaç ve açık hava

Görüntünün olası içeriği: 9 kişi, oturan insanlar, ayakta duran insanlar, ağaç, masa ve açık hava

Görüntünün olası içeriği: 1 kişi, ayakta

Görüntünün olası içeriği: 6 kişi, ayakta duran insanlar ve açık hava

Görüntünün olası içeriği: 3 kişi, ayakta duran insanlar, sakal ve takım elbise

Görüntünün olası içeriği: 4 kişi, ayakta duran insanlar, takım elbise ve açık hava

Görüntünün olası içeriği: 5 kişi, ayakta duran insanlar, takım elbise ve açık hava

Görüntünün olası içeriği: 2 kişi, oturan insanlar, ağaç ve açık hava

Görüntünün olası içeriği: 7 kişi, ayakta duran insanlar

REKLAM

Yazarın digər yazıları

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020