writer1

Aliyə

Məqalə sayı

976
clock13:01 calendar-gray 17 Mart 2017 view-gray72 dəfə oxunub
view-gray72 dəfə oxunub

Yaşam gücü

Aliyə

“heç kimsəniz yox deyə ümiddən düşməyiniz –

bahar bizimlədir...”

Rasim Qaraca

Ətrafdakı hər şey insana nəsə deyir, biz bunu eşidirik, ya yox. Və o deyilənlərin içində yaşam gücü var mütləq. Bəlkə ən pis hadisədə belə...

2000-lərin əvvəlində Bakıda bir ədəbi məclis vardı - “Pərvanə”. Sevinc Elsevərlə paralel oxuyurduq. Ora gedirdik. Zahir Əzəmət, Aqşin, Günel Mövlud, Sevinc Çılğın, Fehruz, İntiqam... Ora yığışırdıq. “Kino+” dan qabaq idi hələ... Mövlud da orta məktəb şagirdi idi. Amma ədəbiyyat, istedad hamını bir müstəviyə qoymuşdu, yaş söhbəti yox idi. Heç başqa söhbətlər də yox idi. İndi hərəsi bir yerə dağılan - neçəsi mühacirət yaşayan, neçəsi saytlarda çabalayan, neçəsi məişətdə daldalanacaq axtaran 2000-lərin uşaqları... Nə gözəl vaxtlar idi...

Şerlər oxuyub müzakirə edirdik. Bir dəfə Böyükxan Pərviz var idi, şair, o, öz ölümünü əzizləyən bir şeir oxudu. Çox vaxt müzakirələrə qatılmayan mən durub dedim ki, müəllim, bu etik deyil, hamımız öləcəyik, amma siz öz ölümünüzü böyüdüb ona şeir həsr edir, hələ bir bizə də oxuyursuz. O, nə dedi yadımda deyil. Amma sonra uşaqlar mənə dedilər ki, Böyükxan müəllim çarəsiz xəstədir, bunu özü də bilir, yəni belə yazması da təbiidir.

Əlbəttə, pərt oldum. “Mənim ölümüm” sözünü o vaxt şairə çox görürdüm. Bir tərəfdən baxanda haqlı idim, o şəxsilik, sentimentallıq bədii keyfiyyəti aşağı salırdı, bir tərəfdən baxanda yox. İndi, Mövludun intiharından sonra yazılara, statuslara baxıram, eynən o zaman mən etdiyim kimi edənlər, çıxılmazda qalan yazıçıya, ataya, oğula –Mövluda bir intiharı qıymayanlar var.

İntihara min ad qoymaq olar - intihar qisas da ola bilər, etiraz da, məsuliyyətsizlik də, çarəsizlik də, sosial basqı da, eqosentriklik də, ünsiyyət blokadası da. “Aşkı-məmnu”nun Bihterinin “Məni! Məni!“ deyən intiharı kimi “Mən” deyə hayqırmaq da ola bilər intihar. Dünyadan küsüb, özünü kiçildib-kiçildib “Mən yox!” demək də. Yox olmaq istəyib gecənin qaranlığına qarışmaq da. Mövludda hansı idi, Allah bilir. Bəlkə intihar da elə sağalmaz xəstəlikdi - tutur adamı buraxmır - xəstə bir-iki adama dərdini deyir, ya demir. Nə idi, hansı idi? Bunlar əziz dostun itkisinin şokunda yavaşca arxa plana keçir, bu itkidən sonra yoxsullaşan dünyayla barışmaq kimi kəndi mücadilənə başlayırsan.

Çünki, hər necə olursa olsun, istedadlı adamın dünyanı tərk etməsi (həm də bu boz mühitdə) bu dünyanın qiymətini aşağı salır. Mövludsuz dünya bir azca sönükdür, düzdü. Amma indi Mövludu duyanların, ondan da bir gün əvvəl bizi tərk edən Aydın Dadaşovu tanıyanların boynuna borc düşür. Məsələn, bir az Mövlud kimi duyarlı olmaq, məsələn, bir az Aydın müəllim kimi peşəkar tələbli olmaq. Yaşamağın borcu bu olsa gərək... Bir yerə gəlib çıxdıq. Yaşamaq borc oldu, dostlar!

Paylaş

REKLAM

Yazarın digər yazıları

Xəbər lenti

Ölənlərin səsləri həmişə mənimlədir... - Borxesin şeirləri
16:41 24 Avqust 2019
Elyanora
16:36 24 Avqust 2019
“Koroğlu” operası tamaşaçılara təqdim olunacaq
15:51 24 Avqust 2019
“Dejavü” növbəti dəfə nümayiş ediləcək
14:25 24 Avqust 2019
Öldürmək istədiyim hamilə qadın - Əyyub Qiyasdan əfsanə
13:29 24 Avqust 2019
Məşhur italiyalı aktyor vəfat edib
12:41 24 Avqust 2019
Şairə xanım Firudin Qurbansoya səsləndi: "İnsanların haqqına girməkdən qorxun!"
11:38 24 Avqust 2019
"Mama, nolar ölmə"
10:44 24 Avqust 2019
Ceyms Bond haqqında yeni film sonuncu ola bilər
10:04 24 Avqust 2019
İran qadınlarının həyatı: fahişədən general arvadınadək
09:01 24 Avqust 2019
“Doktor Jivaqo” hədsiz zəif əsərdir” – Brodskinin qeyri-adi müsahibəsi
21:01 23 Avqust 2019
Onlar 2019-da hamıdan çox qazandılar - Siyahı
19:00 23 Avqust 2019
Nəsiminin 650 illik yubileyinə həsr olunan xatirə pulu buraxılıb
18:24 23 Avqust 2019
Mirzə Cəlilin son cümlələri... - Mehman Qaraxanoğlu yazır
17:29 23 Avqust 2019
“İt gəzdirən xanım” tamaşası yenidən nümayiş olunacaq
16:37 23 Avqust 2019
Tələbəsinə aşiq olan, 20 Yanvarda adamları ölümdən qurtaran aktyor – Maraqlı faktlar
15:45 23 Avqust 2019
Oğru adlandırılan şair danışdı: “Olur belə şeylər"
15:07 23 Avqust 2019
Yaqub Zurufçu: “Ququşun “Ayrılıq" mahnısı seksual səslənir” – Müsahibə
14:58 23 Avqust 2019
İlqar Əlfioğlu yeni verilişdə - Anons
14:20 23 Avqust 2019
Şəhriyar Del Gerani: “Firudin Qurbansoy falıma baxdı...”
13:30 23 Avqust 2019