writer1

Şərif Ağayar

Məqalə sayı

550
clock11:58 calendar-gray 02 Mart 2017 view-gray282 dəfə oxunub
view-gray282 dəfə oxunub

Kitaba vaxtı olmayanlar

Kulis.az Şərif Ağayarın “Kitabın gücü” essesini təqdim edir.

Səhər metroda təsadüfən görüşdüyüm dostumla söhbət edirəm, əlimdə kitab görüb qüssələnir: “Çoxdandı kitab oxumuram!”

“Niyə?” – cavabını bilə-bilə sualı verməkdən özümü saxlaya bilmədim.

Cavabı hardan bilirəm? Təcrübədən.

“Vaxtım yoxdur!” – kitab oxumayan insanların yüzdə doxsanı bu cavabı verir və sizə deyim ki, tutarlı bəhanədir.

Yəqin beyninizdə sual doğdu: “Tutarlıdırsa, niyə bəhanə olsun?”

Cavab verim.

Əslində, həyatımız o qədər çətindir ki, heç nəyə vaxt yoxdur. Hətta, yaşamağa da!

Möhsün Mahmalbafın “Seks və fəlsəfə” adlı filmi var. Rəqs müəlliminin 40 yaşı tamam olur və eləmə tənbəllik bir saat götürüb xoşbəxt anlarını hesablayır. Məlum olur ki, adam bu 40 ildə beş-on dəqiqə yaşayıbmış.

Gerçəkdən belədir və bunu anlamaq üçün elə beş-on dəqiqə fikirləşmək yetərlidir.

Belə bir qaçdı-qovdu dünyada, özü də bu dünyanın Azərbaycan üzündə kiməsə “Niyə kitab oxumursan?” – sualını verib “Vaxtım yoxdur!” cavabını almaq salam verib əleyk eşitməkdir.

Amma vaxt nəyə deyirsiniz?

Vaxt belə şeydir ki, istəyəndə olur.

Dedim axı, əslində bizim yaşamağa belə vaxtımız yoxdur, amma yaşamaqda davam edirik.

Xəstə yanına getmək planlayırıq, o xəstənin həyatımızdakı əhəmiyyətlilik dərəcəsinə görə avtomatik vaxt bölgüsü aparırıq və nəticə çıxarırıq. Etiraf edək, belə anlarda biz vaxtdan yox, vaxt bizdən asılı olur.

Yas da, toy da, görüş də, qonaqlıq da, ibadət də, balıq ovu da, bulvar gəzintisi də, teatr-kino da eləcə...

Zaman həqiqətən nisbidir və ondan nə qədər faydalı istifadə edirsənsə o qədərdir.

Sözümün canı budur: problem vətən övladının, lap belə, evladının kitab oxumağa vaxt tapmaması deyil, problem kitabın vətən evladının həyatında əhəmiyyətli yer tutmamasıdır.

İnanın, əgər son üç cümlədə yazdıqlarım çevrilib tərsinə olsa, hər şey qaydasına düşər.

Və vətən evladının həyatında kitabın əhəmiyyətli yer tutmaması cəmi bəlaların anasıdır.

Xırda bir misal da çəkim, zəhlənizi çox tökmədən yazımın jalüzünü endirəcəm.

Bir hind filmi də var: “Ana Hindistan”. Çoxunuz baxmış olarsınız, mən sadəcə yada salıram və diqqətinizi ordakı Lala obrazına yönəltmək istəyirəm.

Lala kənd ağasıdır. Onun lopa bığları, çoxlu var-dövləti və qara cildli bir kitabı var. Kitab kəndin torpaqlarını və əhalisini idarə etmək üçün yazılıb. Heç kimin yazıb-oxuya bilmədiyi bu məmləkətdə Lalanın kitabı lövhi-məhfuz kimidir. Orda nə yazılıbsa və necə yazılıbsa, ömür boyu əkin-biçində qan-tər tökən bütün zəhmətkeşləri Lalaya borclu çıxardır. Öküzlərə qoşulub yer şumlasalar da borclarını ödəyib qurtara bilmirlər.

Bəli. Kitabın gücü budur. Əgər sənin həyatında əhəmiyyətli yer tutmursa, qiymətdən düşən kitab yox, sən özün olursan.

REKLAM

Yazarın digər yazıları

Xəbər lenti

Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021