writer1

Ayxan Ayvaz

Məqalə sayı

524
clock15:00 calendar-gray 02 Fevral 2017 view-gray313 dəfə oxunub
view-gray313 dəfə oxunub

Məni əsgərlikdə xoşbəxt edən o qadın

Əsgərlikdə ilk günlərimiz idi. Səhər “Qalx” komandası olanda hələ bu vərdişə öyrənə bilməyən bizlər nazla yerimizdən durduq. Çavuşlar bunun acığını çıxdılar. İki-üç dəfə geyinib-soyundurdular bizi. İndi geyinib soyundurmasınlar, amma qışın oğlan çağında bədənimiz yaxşıca qızışmışdı.

Sıraya keçəndə pəncərədən hər yerin ağappaq olduğunu gördüm. Elə bil hərbi hissənin üstünə ağ bir ayı uzanmışdı. Sevindim doğrusu. Yaşıldan başqa rəng görməyən bir əsgər üçün bu böyük bir xoşbəxtlik idi.

Tez-tələsik çölə çıxartdılar bizi. Sıra addımları ilə irəlilədik. Qar ayağımızın altında xırçıldayırdı. Hər yer qarla örtülmüşdü. Keçib gedən əsgərlərin ağzından buğ çıxırdı. Bir anlıq müharibədən bəhs edən filmlərdə hiss etdim özümü. Təzə əsgər olanda belə olur. Hər şey sənə maraqlı gəlir.

Yeməkxanaya girəndə fikir verdim ki, içəridə nəsə dəyişiklik var. Masaların üstündə toyuq, peçenye, tort filan gördüm. Hələ mikrofon da vardı lap başda, səsgücləndiricilər də.

Çaşdım. Nə bayramıdır ki? Hamımız içəri girəndə bir-birimizə bu sualları verirdik. Ancaq heç kim nə olduğunu bilmirdi.

Bir azdan elan verdilər: “Gənclər gününüz mübarək”.

Gənclər günü? Belə bir gün var? Əsgərlərin içində ən yaşlısı, komandirimiz demiş, ağıllısı mən idim. Ancaq belə bir bayramdan xəbərsizdim. Hamı da tərs kimi məndən soruşurdu. Əlimi yelləyirdim ki, bilmirəm.

Gənclər günü tədbirində bir xanım müğənni çıxardılar qabağımıza. Qadın oboyda kişinin içində neçə vaxtdır mülki həyatdan uzaq düşmüş əsgərlərin gözünü kəlləsinə çıxardı. Yerimdə oturub əllərim qoynumda onların iştahla qadının əndamına göz gəzdirməsinə baxıb dodaqaltı gülümsünürdüm.

Bir azdan qadın özü də bilmədən bəlkə də həyatının ən böyük səhvini elədi:

- Kim oynamaq istəyir buyursun...

Deməz olaydı. Elə bil ordu düşmən üstünə hücuma keçdi. Dörd tərəfdən müğənnini qamarladılar. Dünyanın ən güclü ordusu belə bizim əsgərlərin yaratdığı bu üzüyü yara bilməzdi.

Yazıq qadının halını görərdiniz. Təsvir etmək imkansız. Amma əllərim qoynumda onlara baxanda qəzəbli zabitlərin baxışından hiss etdim ki, axşam bizim də halımız yaxşı olmayacaq.

Axşam sıraya düzülüb danlamaq saatımız gələnə qədər xoşbəxtlikdən beynimiz dumanlanmışdı. Həm yaxşı yemişdik, doyunca söhbət edə bilmişdik, həm dəgözəl bir xanımın ətrafında yaxşıca rəqs etmişdik.

Ancaq gənclər günü münasibəti ilə bizə hazırlanan bu gözəl tədbir axşam burnumuzdan gətirildi. Saatlarla sırada farağat durmaq, “jim” eləmək, çöküb qalxmaq və daha nələr. Axırda zabitlər də yoruldu. Bizə də oturmağı işarə verdilər. Gülümsünüb əsgər dostuma dedim:

- Qoymadılar gəncliyimizi eləyək!

Zabitlərdən birinin səsi gəldi bu an:

- Amma bomba şey idi e...

REKLAM

Yazarın digər yazıları

Xəbər lenti

Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021
Qızını məcbur aborta göndərdi, 17 yaş kiçik aktyorla eşq yaşadı, övladı ilə eyni xəstəxanada can verdi – Xalq artistindən 10 inanılmaz fakt
12:17 11 İyun 2021
Afaq Bəşirqızının səhhətində hansı problem var? - Xalq artistindən açıqlama
11:53 11 İyun 2021
Tərcüməçidən professora cavab: “Proses” o mənanı vermir”
11:30 11 İyun 2021
Bacısını sevdiyimə görə məni döyən Orxan... – Ulucay yazır
10:51 11 İyun 2021
71-ci Berlin Film Festivalının xüsusi bölümü başladı
10:18 11 İyun 2021