writer1

Sevda Sultanova

Məqalə sayı

841
clock17:04 calendar-gray 23 Dekabr 2016 view-gray223 dəfə oxunub
view-gray223 dəfə oxunub

İsgəndər Həmidovun xanımı

Sevda Sulatnova

Onunla bu il isti yay günlərindən birində tanış olduq...

Vəkil Elton Quliyev haqda danışmaq üçün İsgəndər Həmidovla görüşməli idik (E.Quliyev 2000-ci illərdə illərdə İ.Həmidovun vəkillərindən biri idi-S.S.).

Həmkarım İzolda Ağayeva ilə məni aşağıda İsgəndər bəy qarşıladı.

Yuxarı qalxdıq, qapını çox zərif, gözəl bir qadın açdı.

Başı bağlı idi, üzündə solğunluq vardı.

Asta yerişindən, hərəkətlərindən, qırılğanlığından vücuduna hopmuş zəiflik duyulurdu.

Söhbət əsnasında Rəna xanım xəstə olduğunu, bu səbəbdən bizə ürəyi istədiyi kimi qulluq eləyə bilmədiyini üzrxahlıqla, məyusluqla bir neçə dəfə dilə gətirdi.

Xərçəng xəstəliyindən müalicə olunduğunu biləndə sarsılmışdıq.

Bizi heyrətləndirən ağır xəstəliyin onun gözəlliyinə, zərifliyinə zərrə qədər toxuna bilməməsi idi. Əksinə, sanki xəstəlik özü onun cazibəsinə təslim olmuşdu.

Heyrətimizə daha çox səbəb verən isə Rəna xanımın ağrılarına, üzüntüsünə rəğmən üzündən əskik olmayan təbəssümü, sınmaması, gücü idi.

Fikrimiz istər-istəməz ara-sıra otağa girib nəsə lazım olub-olmadığını, qayğıkeşliklə “İstidən gəlmisiz, nə gətirim sizə? Çay, su, sərin qarpız da var, təbii qarpızdır” soruşan qadında qalmışdı.

Çəkiliş bitəndən sonra Rəna xanım dilimlənmiş qarpız boşqabını gətirdi.

“Bağışlayın, siz Allah çəngəlləri unutmuşam”. Salonun küncündəki siyirtməyə yaxınlaşdı, qızılı rəngli çəngəllərı çıxardı, həlim səsi yenə qulaqlarımızı oxşadı: “Yeyin, bayaqdan işləyirsiz”.

Sonra divanda yanımızda oturub söhbətləşdi, ölkədəki hadisələrdən danışdı. Bildik ki, gündəlik mətbuatı sıx-sıx izləyir, xəstəliyindən çox olanlardan narahatdır.

Onu yormaq istəmədiyimiz üçün ayağa qalxırıq. Qapıya ötürəndə yenə lazımınca diqqət göstərə bilmədiyi üçün uzrhaqlıq elədi, ardınca da dedi: “Siz Allah özünüzə yaxşı baxın, xəstələnməyin”.

Bu evdən Rəna xanımın energetikası ilə ayrıldıq. İzolda ilə uzun-uzun ondan danışdıq, “Görəsən müsahibə verər?” dedik.

Rəna xanımın xəstəliyi həyat yoldaşının həbsi zamanı yaşadığı stressdən, əsəbdən, həyəcandan qaynaqlanmışdı. Peşəsi həkimlik olsa da, xəstəliyin irəlilədiyini gec bilmişdi.

Ağlımızdan keçdi ki, bəlkə də başqa qadın olsaydı, yoldaşından dolayı bunca əzablara, çətinliklərə qatlanmazdı...

Orda olduğumuz müddətdə Rəna xanımın kübar davranışı, həyat yoldaşına sevgisi, sayğısı, qayğıkeşliyi diqqətimizi istər-istəməz çəkirdi.

Və onun təbəssümündə, sevgisində, sayğısında zərrə qədər falş yox idi.

Rəna xanım üçün ən ağır şərtlərdə sevdiyi kişinin, ailəsinin yanında olmaq qəhrəmanlıq, fədakarlıq yox, sadəcə normallıq, təbii davranış idi. Başqa cür olmağı o düşünməmişdi də.

O, həyat yoldaşının həm də güc qaynağı idi. Həbsdə qaldığı müddətdə İsgəndər bəyin psixoloji müqavimətinin dayanıqlı olmasında Rəna xanımın payı xüsusidir. İ. Həmidov bunu söhbətində özü dedi.

Əgər cəmiyyətdə hələ yaxşı nələrəsə varsa, həm də Rəna kimi güclü, sınmayan qadınların sayəsində var. Çətin şərtlərdə ləyaqətlə yaşamağı bacaran, fədakarlığını nümayiş etdirməyi ağlının ucundan belə keçirməyən bu qadınlar cəmiyyətin sağlam məhək daşlarıdır.

Onları yunan mifologiyasında hər şeyin yaradıcısı, yuvasını, uşaqlarını qorumaq üçün Uranla müharibəyə qalxan, onu məğlub eləyən torpaq ilahəsi cəsarətli Geyaya bənzədirəm...

Səssiz yaşayıb, səssiz gedən, unuda bilmədiyim Rəna xanımın ruhunun heç olmasa başqa dünyada dinclik tapacağına ümid edirəm...

REKLAM

Yazarın digər yazıları

Xəbər lenti

“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021