writer1

Ayxan Ayvaz

Məqalə sayı

525
clock11:32 calendar-gray 28 Oktyabr 2016 view-gray285 dəfə oxunub
view-gray285 dəfə oxunub

Yuxularıma girən aparıcı ilə necə dostlaşdım?

Yadınıza gəlir, bir yaraşıqlı oğlan xəbərlər proqramı aparırdı AzTv-də. Onda mən uşaq idim. Hər gün televizorda cizgi filminə baxırdım. Pişik siçanı tutan ərəfədə yayım kəsilirdi və bu kişi peyda olub ciddi-ciddi nəsə danışırdı. Ağlayırdım, özümü yerdən-yerə vururdum. Sakitləşdirirdilər hərə bir tərəfdən: “Ayxan, gözəl əmidir də”, “İndi gedəcək”, “Yeməyini ye, başlayacaq mutfilim”.

Bu kişi yuxularımda da məndən əl çəkmirdi. Yuxumda əlim cibimdə meşədə gəzişirdim, ceyranlar, quşlar, dovşanlarla dostluq edirdim. Belə yerdə çox vaxt aslan gəlib söhbətin içinə nərildəyir axı. Amma mənim yuxumda bu kişi gəlib ciddi-ciddi danışırdı. Oyanıb qışqırırdım. Qaranlığa ox kimi işıq sancılırdı. Anam: “A bala, nolub?” Mən: “O kişi girmişdi yuxuma”. Atam: “Mənim dostumdur, tanış eləyərəm, qorxma ondan”.

Ancaq atam tanış eləmədi o adamla məni. Sonra o kişi AzTV-dən yoxa çıxdı, atam da bu dünyadan köçdü.

Cizgi filmin ortasında gəlib ciddi-ciddi danışan və uşaqların qorxulu yuxusu olan bu kişi kim ola? Növbəti abzasda.

Bir məclisdə qonaq idim. Elçin Əlibəyli, Aqşin Yenisey, Cəlil Cavanşirlə oturub içirdik. Bu dəm içəri uzun boylu, saçı azacıq ağarmış bir adam girdi. Uşaqlığım ildırım kimi başıma dəydi. O günlər film kadrları kimi montajsız, dayanmadan sıra-sıra gözlərimin önündən keçdi. Cizgi film, pişiyin siçanı tutması səhnəsi, kişinin ciddi baxışları, dil qəfəsə qoymadan danışması, qaranlıq, yuxu, meşə, aslan...

- Salam.

- Salam. Siz Nəsimi Nəbizadəsiz?

- Bəli.

Sonra mənə diqqətlə baxdı, gözlərindəki ciddilik yoxa çıxdı.

- Bıy! Sən Ayvazın oğlu deyilsən? Gəl səni qucaqlayım.

Siz də çaşdınız? Mən də başımı silkələdim. İlahi, bu həmin adam idi? Bəlkə səhv edirəm? Kostyumlu, qalstuklu, səliqəli cümlələr sahibi Nəsimi Nəbizadə. Cizgi filmlərinin qənimi.

Onunla xeyli söhbətləşdik. Məclis dağılışanda qolunu çiynimə atdı:

- Gedək içək.

Gecənin tünd vaxtı, üstəlik yol uzaq. Bu adam nə deyir? Mən hələ onda cizgi filmlərinə baxan uşaq qədər məsumdum.

Mızıldandım, xeyri olmadı, yaxama yapışdı. Çarəsiz razılaşdım.

Həmin gün çox içmişdik. Metro da bağlanmışdı, hələ yollar da bakirəliyini itirmişdi. Maşın tapana qonaqlıq verərdim o gün.

Birdən bir taksi qabağımızda saxladı. Nəsimi pəncərədən bizə baxan sürücüyə sərxoş cümlələrə böyük bir mühazirə oxudu. Sonra maşına mindik.

- Alə, sən məni tanıyırsan? – Nəsimi sürücüdən soruşdu.

- Yox, qardaş. Hardan tanıyım? Şofer olmusan?

- Nə şofer, ala? Başın xarabdı? Mən tanınmış adamam e...

Mən əlavə elədim:

- AzTv-də aparıcı idi. Yadınızda deyil?

Kişi duruxdu, maşının işığını yandırıb Nəsimiyə diqqətlə baxdı. Amma deyəsən inanmadı.

- Ona oxşayırsan, amma nə bilim məni dolamırsınız? İkiniz də zır piyan.

Nəsimi bunu eşitcək əsəbləşdi:

- Ala, biz fırıldaq gələnə oxşayırıq? Sən Vüqarı tanıyırsan? Meyxanaçı?

- Həri, qaqaş, nöş tanımıram?

Taksi şoferi meyxanaçı Vüqar haqqında uzun bir əhvalat danışdı. Məlum oldu ki, bu əməlli-başlı fanatı imiş.

Nəsimi telefonu qulağına yapışdırdı:

- Alə, Vüqar! Necəsən? Yanımda sənin bir fanatın var. Ölür sənin üçün. Al danış.

Sürücü inamsız telefonu götürdü.

- Biz ailəliklə qulaq asırıq sizə... Ləzzət eləyir... Düz sözümdü... İnana bilmirəm sizlə danışıram...

Telefonu alan kimi Nəsimi sərxoş bir tövrlə dedi:

- Gördün, indi mən kiməm? Mən Nəsimi Nəbizadəyəm e. AzTv-nin aparıcı.

- Əlbəttə, müəllim. Bağışlayın. İşdən adamda ağıl qalır ki? Üzrlü bilin.

Biz maşından düşəndə sürücü and-aman elədi ki, sizdən pul götürən deyiləm.

Başım partlayırdı, özümü birtəhər evə saldım. Bacım, qardaşım deyinməyə başladı. Səhərə yaxın idi, axır ki, məni atəşə tutmaqdan vaz keçib yatdılar. Televizoru açdım və gözlərimə inana bilmədim: AzTv-də çizgi film gedir. Nədənsə, Nəsiminin sərxoş halda əlini-qolunu sallaya-sallaya ciddi danışmağa çalışmasını ağlımdan keçirtdim. Gülümsündüm.

REKLAM

Yazarın digər yazıları

Xəbər lenti

Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021
Mədəniyyət xadimlərinə mükafatlar təqdim edilib
18:01 14 İyun 2021