news-inner
clock11:05 calendar-gray 29 Yanvar 2016 view-gray243 dəfə oxunub
view-gray243 dəfə oxunub

Həyat yoldaşını aldatmaq istəyən qadınlar – Aliyə yazır

- Nə qəşəng palton var, ay qız?

Nura həqiqətən gözəl görünürdü. Kip palto onu qamətli və daha zərif göstərirdi:

- Hə? Geyinmirdim e... Qaynanam məcbur elədi, deyir, soyuqdu. Endirimnən almışam, Mangodan.

Nisbətən ucuzvari gödəkcə geyinmiş Afa qəfil pörtdü:

- Qəti geyinəmmirəm də bu stildə - dedi - Mənimki odu əynimə taxım, tez bazara çıxım. Amma gəl ki, bir yerə gedəndə, məni tanımaq olmaz. Toya, ya şəhərə çıxanda.

Afa azacıq kobud idi. Boyu bəstə. Ümumi söhbətlərdə bir ayrıcalığı vardı. Buxağı susqunluqdan belə sözlü-sözlü sallanırdı, ya ki, sevgi intizarını daha dərinə basdırıb üstünü qalın etmişdi ya nəydi... Səsi də bir az yoğun idi.

Məktəbin dəhlizində məktəbin darıxdırıcı, birrəng, monoton bir yer olduğunu göstərmək üçün, düşünməyin gərəkmədiyini sübut etmək üçün bütün lazımi əyani vəsait asılmışdı. Qadınlar sinif otağına hazırlığa göndərdikləri uşaqlarını gözləyirdilər. Arabir Üzeyir Hacıbəyovun musiqisi səslənir, onların söhbətinə maarifçiliyə xas ab-hava, felyetonvarilik gətirirdi. Amma bu, ilk baxışda belə idi. Onların psixi həyatı ekzistensializmə daha çox uyğun idi, nəinki hansısa karikaturaya.

Şərtlər universal olmağı tələb edirdi:

Daim hazırlıqlı olmaq. Qətiyyən yenilməmək. Və bir-birini iliklərinə kimi tanımaq. Anlamaq və tanımaq bəzən bir yerdə olmur. Amma bəzən o möhtəşəm anlar da olur.

Bugünkü “Mən yaxşıyam, qaynanam pisdi, anam yaxşıdı, gəlinimiz ifritədir” ümumi mövzusuna ər obrazı da qatılmışdı.

Qadınlardan birinin - Nuranın incikliyi hiss olunurdu, azca kövrəlib, həyatının daha dərin incikliklərini anladacaqdı ki, ucuzvari geyindiyinə görə kompleksə girən Afa “Yox, aazzz, mənimki elə deyil” - dedi. Nura sanki yuxudan ayıldı. Zəiflik etdiyini anladı, “Yox, ay qız e, bizimki də lap elə deyil. Diqqət göstərir, oirəli gül də almışdı. Bayramda mənə Sabinadan 120 manatlıq ətir də alıb. Hələ bir baxın yaxşıdı?..” - deyib çantasını əlləşdirməyə başladı, amma sanki əlləriylə Afanın ağzını ovub susdururdu. Amma səsindən peşmançılıq və inciklik yağırdı.

- Üstünə səpib getməyə bir yer də olsa... - bayaqdan susan Ceyran dilləndi.

- Mən oxumamışam, siz ki, oxumusuz işləyərdiz də...

- İş adı çəkmə. Astarı üzündən baha başa gəlir...

- Mənimki heç qoymur da. - Leyli qürrələnmək istədi.

Qısa bir sükut çökdü. Sanki bu sükut qızların qəlbindəki boşluğu faş etmək üçün araya salınmışdı.

- Ay qızlar, görün nə deyirəm. Axı məllimə həftədə bir dəfəyə salıb dərsi. İndi pulu iki ayda bir verəcəyik də deməli. Mən evdə deməmişəm, demişəm ki, həftədə bir dəfə amma iki saat məşğul olacaq. Gəlsənə o qırx manatı xərcləyək, gəzək, əylənək?

- Mən evdə demişəm axı..

- Bədbaxsan da.. – Hamı əyri-əyri Leyliyə baxdı.

- Lap elə siz deyəndi, hara gedəcəyik ki, uşaqlarla?

- Onu da düz deyirsən. Heç olmasa, dükanları gəzərik. Özümüzə bir şeylər baxardıq.

- Mənimki onsuz da qoyur, hələ pul da verir ki, özünə nəsə al. Heç axotum yoxdu da... – Nuranın səsi daha dərindən gəldi, sanki kimsə öz qalasını içəridən bərkidirdi...

- Özünüz bilərsiz e. Guya mənimki vermir? Mən dedim birgə olardıq.

Evli-mutlu qadınlar uşaqlarını gözlyirdilər. Hacıbəyovun uvertürası bu dəfə xoşbəxtlik müharibəsinin cəngisi kimi səsləndi. Qəfil sinif otağının qapısı açıldı. Sevincək uşaqlar otaqdan qalib kimi çıxırdılar...

news-inner-user
Aliyə

999 məqalə

Oxşar xəbərlər

Xəbər lenti

Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021