news-inner
clock20:30 calendar-gray 22 İyul 2015 view-gray217 dəfə oxunub
view-gray217 dəfə oxunub

Niyə bu qədər sevdim - ŞEİRLƏR

Kulis Elnaz Eyvazın yeni şeirlərini təqdim edir.

***

bir axşam bir zəng gələ
susan telefonuna:
salam, xanım, bağışla,
yaşadığın özgənin taleyidir, səhv düşüb.
səhər yuxudan durub,
yeni həyata başla...

***

Bilirsən, ata,
bilirəm,
mən sənin ölmüş ümidlərinəm,
dilinə gətirmədiyin,
gözlərindən asdığın
arzularınam.
bağışla, məni,
bağışla ki bilirəm...


bilirsən ata,
bilirəm,
məndən daha böyük mən gözləyirdin,
olmadım.
istəməzdim belə olsun,
bu qədər zalımam yəni.
bilirsən səni
nə qədər sevdiyimi...


bilirsən, ata,
bilirəm,
elə bilirsən bilmirəm?!
mən sənin xəyallarının məzarıyam,
alnımda yazı yerinə
ümidlərin sıralanıb.
bilirsən, ata,
bilirəm,
bilirəm ki, sən
tanıdığım ən yaxşı adamsan,
ona görə yox ki atamsan.
ona görə ki,
sənin qədər kimi göynətsəydim,
çoxdan
alnıma sıxıb gülləni
xilas etmişdi məni...

***

Dərdimə dərman kimisən;

bir damcın da yerə düşməsin deyə,

dözürəm hər şeyə...

***

Tamdan hissə-hissəyəm,

hissə-hissəyəm, adam.
bir az sevincəm, sevin,
bir az qüssəyəm, adam.

Harda, nə vaxt bilmirəm
bölündüm para-para.
uzun-uzun yol gəldim,
harda idim, gör hara.

Yarı mənəm, bildiyin,
yarı sənəm, yarı sən.
bütünə gücüm çatmır,
yarı daşı barı sən.

Nəyim varsa toplayıb
gəlmişəm üzü sənə .
ruhumu duymayanın
qurbandır yüzü sənə...

***

Baha başa gəlmisən mənə:
çəkdiyim ağrıların,
ayaqlarıma zəncirlənmiş,
əzabların bədəli kimi.

Nə ağıllıya tay oldum, ağıllım,
nə də yaşadım dəli kimi.

İtirdiklərimə şükür:
səsimə hay,
uzalı əllərimə ümid yeri,
qaranlıqda iynə gözü qədər işıq kimi,
ruhuma hüzur,
vücuduma yaraşıq kimi
gəlmisən.

Yüyürdüm, yıxıldım,
qalxdım,
dizlərimin tozunu çırpıb
gözlərimin qarasında gizləndim hamıdan.

Heç kəsə əyilmədim,
utanmadım kimsənin qarşısında
baxıb gözlərimdəki kölgəyə.

Acılarımın gözünə
səni qatdım,
sənə tutundum,
yaşaya bilim deyə.

***

Ömür dediyin ki, var,
təpə-dırnaq savaşdı.
ürək isinməyəndə
fəsillər hamsı qışdı...

***

Niyə axı bu adamı
mən bu qədər sevdim, niyə?!
bu qədər sevilmək olmaz,
adam da salıb tərsliyə.

Əllərində ovuc-ovuc
açılmaq var, bükülmək var.
yaxasına ilgək-ilgək,
düymələnib tikilmək var.

Dizlərində xumarlanıb
uşaq kimi uyumaq var.
korun-korun yana-yana
qollarında soyumaq var.

Saçlarının arasında
barmaqlarım daraq-daraq.
kitab kimi oxunmaq var
dizi üstə varaq-varaq.

Gözlərində baxış-baxış,
ərimək, itmək var axı.
hər görüşün nəhayəti,
ayrılıb getmək var axı.

Niyə axı bu adamı
mən bu qədər sevdim, niyə?!
bu qədər sevilmək olmaz,
adam da salıb tərsliyə.

***

Və bir gün biri gələr
sevər səni...
sevərsən...
anlayarsan ki,
bütün sevdiklərini
onu sevirsən deyə sevirsən.

***

Daha baxmıram ev elanlarına,
daha sıxmır kirayə mənzilim məni.
xatırlamıram, düşünmürəm dünəni;
hər gün bu gündür.

Yerimi bilən yox,
ünvanım səndə gizlin.
necə rahatam, bir bilsən,
yığışıb sənə köçmüşəm,

indi mənim evim sənsən...

***

Düşüb nadan əlinə
bir ömürlük zay olduq.
nə öldük ölən kimi,
nə diriyə tay olduq...

***

Paran, pulun, payın,
şöhrətin, adın,
yoxdu gözümdə:
ürəyin döyünsün,
gözlərin baxsın,
səsin gəlsin,
bir də... səsin...
mən gözütox adamam,
adam...
nəfsimi öldürər
quruca nəfəsin...

news-inner-user

19109 məqalə

Oxşar xəbərlər

Xəbər lenti

Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021
Azərbaycanlı rejissor vəfat etdi
14:01 22 İyun 2021