writer1

Günel Mövlud

Məqalə sayı

26
clock12:41 calendar-gray 20 İyul 2011 view-gray849 dəfə oxunub
view-gray849 dəfə oxunub

Aran

(“yay tətili” silsiləsindən)


Ağlım kəsəndən aranı sevmişəm... bəlkə də uşaq yaşlarından başıma bəla kəsilmiş bronxitin ucbatından, dağlıq yerlərdə nəfəs ala bilmədiyimdən, aranın quru havasında nəfəsimin genişləndiyindən idi bu. Bəlkə də bəhanədi, bəlkə, heç bir xəstəliyim olmasaydı da, aranı sevəcəkdim.

Səbəbini bilmirəm, amma zirvəsi göz qamaşdıran dağlar, saysız bulaqları, şəlalələri, sıx və uca ağacları olan meşələr mənlik deyil.

Uca dağların əzəməti həmişə mənə yekəxanalıq, sıx meşələrin zənginliyi harınlıq kimi gəlir. Elə bilirəm ki, dağlar, meşələr də təbiətin “burjua”sıdı.

Mən aranı sevirəm. Təvazökar, zəhmətkeş, “proletar” aranı... yovşan qoxulu, ilğımlı, boz aranı, düz aranı. “Muğan”lıq eləyəndə biri üç, “Muğanlıq” eləyəndə üçü heç eləyən Muğan düzünü, Mil düzünü.

Qamışlı, bulanıq amma bərəkətli göllərini, günortanın ilğımında qovurulub yansa da, birə iyirmi verən bol-bərəkət tarlalarını, boz sürülü çöllərini, otlaqlarını, tozanaqlı yollarını.

İnsanla əl-ələ verib, əməkdaşlıq eləyən, məhsulu təkcə özünü deyil, bütün ölkəni doyduran aranı.

On gündür yenə arandayam. Gecələr nəm havasını dərimdə hiss eləyirəm, qulağıma saysız cırcıramaların, göllərində, arxlarında səs-səsə verən qurbağaların səsi gəlir, səhərlər ayaqlarım şehinə batır, burnuma yovşan qoxusu gəlir.

Günortalar təzə salınan nar bağlarında, noxud tarlalarında işləyən üzü-gözü sarğılı qadınlarla danışıram, gün qüruba əyiləndə örüşdən qayıdan yorğun sürüyə, çobanların yanınca hürə-hürə qaçan iri itlərə, əliçomaqlı yeniyetmələrə, qocalara, sıraya düzülüb, ot biçən, otu tayaya vuran kişilərə baxıram.

Toyuq-cülələrinə dən səpən, qazlarını hinə dolduran qadınlara, şam yeməyindən əvvəl həyət bacanı sulayıb, sərinləşdirən kənd qızlarına baxıram. Öləcəyini, gördüklərinə axırıncı dəfə baxdığını bilən adamın həsrəti ilə baxıram hər şeyə. Acgözlüklə, sevgiylə, heyranlıqla. Ən ibtidai, ən torpağa bağlı, ən kəndçi gözlərlə.

Tarlalarda tər tökənlərin hansısa oliqarx tərəfindən istismar olunduğunu, bu zəhmət əvəzində qəpik-quruş aldığını, bu “romantik zəhmətin” təkcə uzaqdan, təkcə filmlərdə, təkcə yazılarda gözəl, ekzotik göründüyünü unudaraq.

Uşaqların uşaqlığını, insanların istirahətini, əyləncəsini əlindən alan, doymaq, yaşamaq uğrunda mübarizədən ibarət həyat olduğunu, bu həyata heç kimin həsəd aparmadığını, həsrətini çəkmədiyini unudaraq.

Canını qurtara bilənlərin özlərini bəxti gətirmiş saydığını, gənclərin xoşbəxtlik, fiarvanlıq dalınca böyük şəhərlərə qaçdığını, aranın isə qocaların, uşaqların, “uğursuz”ların ümidinə qaldığını unudaraq...
Amma yenə də təsirləndim belə kasad təbiətin bol bərəkətindən.

İnsanların zəhmətkeşliyindən, yol qırağında qarpız-yemiş, tərəvəz satan uşaqların gündə yanmış üzlərindən, bağrıma basdığım kənd insanın tərinin zəhmət dolu qoxusundan...

Gözəllik həmişə gördüyündə olmur. Gözəllik baxanın gözlərindədi...
REKLAM

Yazarın digər yazıları

Xəbər lenti

Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır?
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021