writer1

Sevda Sultanova

Məqalə sayı

860
clock11:47 calendar-gray 19 Fevral 2015 view-gray235 dəfə oxunub
view-gray235 dəfə oxunub

Elnurun qələbəsi və natamamlıq kompleksimiz

“O səs Türkiyə” yarışmasında Elnur Hüseynov qalib elan olunanda zalda ilk gözə dəyən Azərbaycan bayrağı oldu.

Kamera bir neçə anlıq iri planda zalda qaldırılan bayrağımıza tuşlandı.

“O səs Türkiyə” adından da göründüyü kimi ölkələrin yarışması deyil. Elnur da orda Azərbaycanı yox, özünü təmsil edirdi.

Bu, fərdi müsabiqədir yəni.

Məqsəd də Türkiyənin ən yaxşı səsini seçməkdir.

Bu yarışmaya kimin hansı ölkədən qatılmasından asılı olmayaraq, son nəticədə qalib Türkiyə adına seçilir.

Və təsadüfi deyil ki, istənilən ölkədən yarışmaya qatılan iştirakçıdan publika da, jüri də mütləq bir türk mahnısının səsləndirilməsini istəyir.

Bu, müsabiqənin daxili qaydası olmasa da, yazılmayan qanunudur.

Sözümün canı başqadır. Zalda Azərbaycan bayrağını görəndə , “O səs Türkiyə”nin Facebook səhifəsində həmvətənlərimizin coşğu dolu, pafoslu, türklərə ünvanlanmış təhqiramiz şərhlərini oxuyanda pərt oldum.

Başa düşürəm ki, insanlarımızın qələbələrə, sevincə ehtiyacı var. Hətta kiçik olsalar belə.

Sadəcə, problem ondadır ki, biz bayrağı da, vətənpərvərliyi də dəxlisiz məqamda, dəxlisiz zamanda və məkanda istifadə edirik.

Elnur “Eurovizion”dan sonra gözardı edildi, heç kəsin vecinə olmadı, telekanallara dəvət edilmədi, unuduldu.

Davranışına, qiyafətlərinə görə tipik azərbaycanlıya adekvat olmayan, marjinal bir tipə malik Elnur bu ölkədə, cəmiyyətdə özünü tapa bilmədi.

Və xilasını başqa ölkədə axtardı.

Acun başda olmaqla yarışmada dəstəkləndi, peşəkarlar dəfələrlə ifasını ayaqda alqışladı. Bizim sahib çıxmadığımız istedada (mən hələ sahib çıxmadığımız başqa sahələrdəki istedadları demirəm, Elnur onların bir nümunəsidir sadəcə) Türkiyə sahib çıxdı.

Ona görə “Keçən il “O səs Ukrayna”da azərbaycanlı qalib oldu, ayaqda alqışladılar. Bəzi türklərə ayıb olsun, vallah”

“Halal olsun Elnur ! Bu Azərbaycan musiqisinin qələbəsidir” və s. bu kimi şərhlər yazıb, sürəkli ürək rəsmi paylaşıb, “Azərbaycan” yazıb, türklərin ünvanına təhqiramiz şərhlər yazıb vətənpərvərlik duyğularını ucuzlaşdırmayın.

Azərbaycanın adını, atributlarını bayağı, qara qəpiyə dəyməyən sözlərinizlə sağa-sola xərcləyib “vətənpərvərlik əclafların son yeridir” fikrini təsdiq eləməyin, natamamlıq komplekslərinizi bu qədər üzə vurmayın.

“Azərbaycan musiqisi türk musiqisindən zəngindir, qədimdir. Biz dünya musiqisini türklərdən daha yaxşı bilirik”- deyən dostlar, o zaman Elnur niyə Azərbaycanda yox, Türkiyədədir? Və niyə gün uzunu telekanallarda keyfiyyətli yox, zövqsüz musiqi səslənir?

Elnurun fərdi qələbəsini Azərbaycanın adına yazıb, ölkə əhəmiyyətli etməyiniz gülünc görünür.

Azərbaycan təkcə mahnıdan ibarət deyil. Əgər ölkəni bu qədər sevirsinizsə, yaxşı təhsil alın, maarfilənin, sağlam cəmiyyət qurun!

Və vətənə olan sevginizi sübut edin.

Elnuru isə məncə, rahat buraxın. Onu çempionluğuna peşman eləməyin.

REKLAM

Yazarın digər yazıları

Xəbər lenti

Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021