writer1

Ağa Cəfərli

Məqalə sayı

72
clock12:11 calendar-gray 27 Yanvar 2015 view-gray246 dəfə oxunub
view-gray246 dəfə oxunub

Qayınata gəlinini niyə bıçaqlayır?

Bu yaxınlarda, qayınatanın gəlini öldürməsi xəbərini görəndə cavan yaşda dünyadan köçmüş qonşumuzu xatırladım.

Oğlan sevdiyi ilə evlənmək istəyirdi, amma ailəsi icazə vermirdi. Çox söz-söhbət oldu aralarında, buna baxmayaraq oğlanı yola gətirə bilmədilər.

Oğlan valideynlərini yox, sevdiyini seçdi. Ata əvvəl qarğış elədi. Sonra müvafiq qurumlara gedib oğlundan rəsmən imtina etdiyini bildirdi. Ana qarğışına baxmayın, ata qarğışı ağır söhbətdi. Bir müddət keçdi, oğlan sağalmaz dərdə mübtəla olub dünyasını dəyişdi. Və bu hadisədən uzun illər keçəndən sonra da mən o atanı həmişə oğul qatili kimi xatırladım. Ata öləndə daha bir pisliyin bu dünyadan köçməsinə görə sevindim də.

Valideynlərin daim övladların işinə qarışması, onları nəzarətdə saxlaması çox ciddi problemdir, faciələrə yol açır. Qayınatanın öz gəlinini qətlə yetirməsi kimi...

Dövr, zəmanə dəyişir. Övladlar daha çox azadlıq, daha çox sərbəstlik istəyir. Valideynlər isə fərqli fikirdədirlər, övladlarına sanki öz qulu, köləsi kimi yanaşırlar. O da mümkündür ki, özləri heç vaxt azadlıq, sərbəstlik görməmiş valideynlər övladlarının azadlığını qısqanırlar. Ola bilsin, heç belə deyil. Ancaq bütün hallarda valideynin övlad üçün narahatlığı müxtəlif fəsadlara yol açır. Əlbəttə, biz demirik ki, valideyn övladı üçün narahat olmasın. Amma hər şey əndazəsində gözəldir.

Atalar və oğullar problemi yəqin hər yerdə var. Mövzu ilə bağlı müxtəlif ədəbi nümunələrin və filmlərin yaranması bu fikrin təsdiqi sayıla bilər.

Ancaq avropalılardan fərqli olaraq, bizim düşüncəmizdə yaxın zamanlarda həlli mümkün olmayan problemlər var. Biz qəbul edə bilmirik ki, övladlarımız bizsiz daha xoşbəxt ola bilərlər. Biz qəbul edə bilmirik ki, övladlarımız sərbəst olanda özlərini daha yaxşı hiss edə bilərlər.

Atam, anam, əgər oğlun hansısa xanımın yanında özünü xoşbəxt hiss edirsə, niyə onun xoşbəxtliyini faciəyə çevirirsən, qoy yaşasın da. Axı, o xanımla ömür-gün yoldaşı olacaq adam sən deyilsən, odur.

Atam, anam, bəlkə övladın hansısa sənət dalınca getsə, daha böyük uğur qazanacaq, amma sən dirəşirsən ki, yox e, mütləq universitet oxumalısan!

Yeri gəlmişkən, balaca qardaşım çox gözəl futbol oynayırdı, ciddi uğur qazanacağı şəksiz idi, amma atam onun universitet oxumağında israr elədi. İndi qardaşım ali təhsilli maklerdir və futbolu atdığına görə çox böyük təəssüf hissi keçirir.

Nə bilim e... Sizi də çox yormaq istəmirəm, diqqətinizə görə sağ olun.

REKLAM

Yazarın digər yazıları

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020