writer1

Qönçəgül Kamalqızı

Məqalə sayı

8
clock14:27 calendar-gray 23 Yanvar 2015 view-gray217 dəfə oxunub
view-gray217 dəfə oxunub

Mən SMS sevgilərinə inanmıram

Əlimə qələm alıb əziz bildiyim birinə məktub, ya da açıqca yazmadığım uzun zaman oldu. İndi deyəcəksiniz, kim sənə mane olur? O vərəq, o da qələm, nə qədər istəyirsən yaz.

Nə yalan deyim, qələmlə yazmağa tənbəllik edirəm artıq. Belə getsə hərflərin yazılışını unudacağam deyə, qorxuram.

Təəssüf ki, günü-gündən inkişaf edən texnologiyanın yaratdığı imkanlar mənim kimi, yüz minlərlə insanı sözün əsl mənasında daxili aləmindən ayırır.

Barmaqlarımız yorulur, amma kompüterin, telefonun düymələrində. Kədərimizi, sevincimizi rəngli “smaylik”lərlə, yerli yersiz istifadə etdiyimiz işarələrlə bildiririk.

Artıq kimsə əziyyət çəkməsin deyə imzalar da hazır möhür halına salınır. Zaman o zaman deyil deyəcəksiniz bəlkə də. Razıyam, amma sevgilər, dostluqlar, insani münasibətlər də əvvəlki deyil, nə yazıq ki...

Müasirik... Uzağı yaxın edən virtual tanışlıqlarımız, sosial şəbəkə münasibətlərimiz var. Bir göz qırpımında düşüncələrimizin tərcümanına çevrilən qırmızı ürəköpüşlü, gah gözündən yaş axan, gah da gülməkdən qəşş edən işarələr həyatımızı asanlaşdırırmı, görəsən?

Asanlaşdırır, amma bir o qədər də hisslərimizi ucuz və dəyərsiz edir. Məhəbbətimizin, istəyimizin əvəzinə çox vaxt tam yazmağa ərincəklik etdiyimiz yarımçıq sözlər göndəririk bir-birimizə... Bir-birimizi tapmaq, ünsiyyət qurmaq imkanları doyunca darıxmağa, xiffət etməyə belə aman vermir artıq.

Kimsənin səmimiyyətini, sevgisini şübhə altına almıram. Amma ürəkdən süzülən həqiqi duyğular barmaqların ağ vərəqə köçürdüyü kəlmələrin timsalında daha gözəl olur məncə...

Söz yazıb, pozmaq çox asandır indi. Əlimiz mürəkkəbə batmadan, barmaqlarımızda heç bir iz buraxmadan nələr yazıb, poza bilmərik ki...

Çox zaman da ani qərarlarla yazıb pozduğumuz bu sözlər həyatımızda elə dərin izlər buraxır ki, düzəliş etmək üçün heç nə köməyə gəlmir.

Bu gün “Səni sevirəm!”, ”Sənsiz darıxıram!”, “Sənə ehtiyacım var!” və sair oxşar ifadələr eyni hərflərin qəlibində çox soyuq təsir bağışlayır.

Mənə elə gəlir ki, əvvəllər insanlar bir-birinə bu sözləri yazanda onun məsuliyyətini daha çox daşıyırdılar. Bu kəlmələri yazan insanın ürəyinə barmaqları şahidlik edirdi, axı...

Yazı insanın ruh aləminin bir parçasıdır, dahilər deyib bunu. Elə buna görə də bəzən yaxınlarımızdan aldığımız əllə yazılan kiçik bir kağız parçasının dəyəri daha çox olur.

Təəssüf ki, getdikcə yazı vərdişindən uzaqlaşırıq, məktublar, açıqcalar tarixə çevrilir. Mən bu virtual aləmdə verilən vədlərə, SMSlərdə göndərilən sevgilərə inanmıram. Heç kimin bu aləmdə dediklərinin altına imza atmaq imkanı yoxdu çünki...

Onlar, özünəməxsus qoxusu olan, hər hərfi insanın qəlbini titrədən məktubların yanında yarı səhv, yarı düz yazılan söz yığınından başqa bir şey deyil.

Heç olmazsa ildə bir gün əzizlərimizə, doğmalarımıza əlimizlə yazdığımız ürək sözlərimizi göndərək. Sevgimizi barmaqlarımızın təmasında qəlblərə daşıyaq. O zaman daha səmimi olacaq hisslərimiz. Həm də yazımız bizi təkrarolunmaz edəcək.

REKLAM

Yazarın digər yazıları

Xəbər lenti

Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020
Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020