writer1

Cəlil Cavanşir

Məqalə sayı

293
clock12:49 calendar-gray 23 Yanvar 2015 view-gray231 dəfə oxunub
view-gray231 dəfə oxunub

Şərif Ağayardan donos

AYB sədri, xalq yazıçısı cənab Anar Rzayevə,

Surəti: AYB-nin katibi, “525-ci qəzet”in sahibi Rəşad Məcid cənablarına

Yazıb sizə bildirirəm ki, xalq şairimiz Fikrət Qoca ilə məzələndiyinə görə AYB-dən çıxardığınız yazıçı Şərif Ağayar öz pozucu əməllərini yenə də davam etdirir. Əlinə fürsət düşən kimi məclislərdə xalq şairlərimiz və yazıçılarımızla, AYB rəhbərliyi ilə məzələnməyə davam edir. Onu dəfələrlə Anarın hekayələrini, Fikrət Qocanın və digər şairlərimizin şeirlərini oxuyub ağladığını görmüşəm. Yəqin ki, bu göz yaşlarının məzələnmək üçün olduğunu yazmağıma ehtiyac yoxdur...

Hörmətli sədr, hörmətli katib!

O gün görürəm ki, Şərif Ağayar bir dəstə cavan yazıçını yığıb başına, onlara zorla araq içirdir. Şərifin baz-burutundan qorxan ürkək yazarlar əllərində rumka, dodaqlarının arasında siqaret, əsə-əsə, dilləri topuq vura-vura həzin səslə Şərifə təriflər yağdırır, onun şəninə sərxoş nəğmələr söyləyirdilər. Yaxınlaşıb ədəb-ərkanla salam verdim, üzümə baxan olmadı. Özümə bir rumka araq süzüb oturdum Şərifin yanında. Sözün düzü, gənclərin heç biri salamı alacaq halda deyildi. Mən də nəğmə söyləyən gənclərimizə qoşulub Şərifin təkidi və israrı ilə xeyli araq içdim. Sonra Şərif mənə siqaret çəkdirdi. Gənclər ölümcül sərxoş halda masaya dirsəklənib Şərifin Anar müəllim haqqındakı sərxoş çıxışını dinləyirdilər. Onların sərxoş baxışları Şərifin ağzına dikilmişdi. Sonra gənclər sərxoş halda əllərindəki kağızdan şərti adı “AYB-ni necə dağıtmalı” olan planı oxuyub müzakirə etməyə başladılar. Aralarında çəlimsiz bir uşaq vardı, hamısı onu Kamikadze Ayxan çağırırdı. Sonradan bildim ki, bu yenicə hərbi xidmətdən gəlmiş Ayxan Ayvazdır. Şərif ona AYB-ni partlatmaq haqqında sərxoş təlimatlar verir, hərdən sərxoş səsini ucaldır, çəlimsiz gənc yazıçının üstünə qışqırırdı. Sonra Şərif bu çəlimsiz gənc yazara tapşırdı ki, Anardan aldığı 25 min manatla yazıçılara, şairlərə çoxlu araq və digər sipirtli içkilər alsın.

Hörmətli sədr, hörmətli katib!

Sonra Şərif gənc yazarlara onu dinləyib AYB-dən istefa verdikləri, onun inqilabçı-terrorist-sərxoş-istedadsız təşkilatına qoşulduqları üçün təşəkkür etdi. Sərxoş gənclər AYB əleyhinə şüarlar səsləndirməyə, üzr istəyirəm sizdən, təhqiramiz ifadələr işlətməyə başladılar.

Mən çəlimsizliyinə görə təsir altına düşüb AYB-dən istefa verən, sonradan Anar müəllimdən üzr istədiyi üçün gözümdə ucalan sərxoş Ayxan Ayvazı çəkdim kənara. Onu başa salmağa çalışdım ki, Anar müəllimin, Rauf müəllimin, Rəşad müəllimin araq içib sərxoş olandan sonra Şərifin təsirinə düşən adamlardan xoşu gəlmir. Sən gəl belə eləmə. Ancaq Ayxan qorxa-qorxa mənə dedi ki, Şərif Ağayar ona, gedib “Yeni Müsavat” qəzetinə müsahibə verməyi üçün sərt təlimat verib. Əslində başa düşdüm ki, Ayxanın bu işə könlü yoxdur, onu sərxoş edəndən sonra Şərif Ağayar təhrik edib.

Ayxana başa saldım ki, belə eləsən Anar müəllim öz cibindən sənə verdiyi 25 min manatı əlindən alacaq, özünü də AYB-dən qovacaq. Ayxan sərxoş şəkildə ağlaya-ağlaya mənə dedi ki, onun bu işdə heç bir günahı yoxdur. Üzr istəyirəm, ifadəmə görə, hətta Ayxan dedi ki, AYB-dəki korrupsiya faktlarının, kimə gəldi təqaüd verilməsinin, ədəbi nəşrlərin yarıtmazlığının da səbəbkarı Şərif Ağayardır.

Hörmətli sədr, hörmətli katib!

Yazıb sizə bildirirəm ki, Şərif Ağayarın gənclərə qarşı etdiyi bu hərəkətlərə son qoyulmasa, AYB-də ancaq yaşlılar qalacaq.

Şərif Ağayarın ziyalıya və yazıçıya yaraşmayan bu hərəkətlərini yazıb sizə bildirməyi özümə borc bildim. Sizə işlərinizdə uğurlar, fəaliyyətinizdə ardıcıllıq arzulayıram!

İmza: Bir xeyirxahınız

REKLAM

Yazarın digər yazıları

Xəbər lenti

Kamal Abdullanın yeni romanı çap olunub
11:33 02 Avqust 2021
Kinostudiyanın direktoru: “Müjdə çox yaxındadır” – Müsahibə
10:51 02 Avqust 2021
Mərmi düşməyən pir, şükür edən İcra başçısı - Tap Qaraqoyunluda söz bayramı - Fotolar
10:30 02 Avqust 2021
Bu gün Milli Kino Günü qeyd olunacaq
09:56 02 Avqust 2021
Rüstəm Behrudi: “Xalq şairi adını versələr, qəbul eləmərəm” – Müsahibə
09:00 02 Avqust 2021
Səhnəmizin gerçək primadonnası: Amma danışmasın!
13:12 01 Avqust 2021
Rüstəm Behrudi intihar edən qardaşı oğluna şeir ithaf etdi
11:30 01 Avqust 2021
Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021