news-inner
clock14:15 calendar-gray 07 Yanvar 2015 view-gray151 dəfə oxunub
view-gray151 dəfə oxunub

Yusif, Zəhra, Məhəmməd – SAXTA ÜMMƏTÇİLİK SİNDROMU

Azərbaycanda uşaqlara qoyulan adların siyahısı açıqlanıb.

Ötən il ərzində doğulmuş oğlan uşaqlarından 3967 nəfərə Yusif adı verilib. Daha çox qoyulan oğlan adları arasında Hüseyn (2610), Əli (2526), Murad (1717), Ömər (1611), Məhəmməd (1446), Ayxan (1078), Uğur (1021), İbrahim (987), Tunar (907), Kənan (890) da var.

Qız uşaqlarına verilən ən populyar ad isə Zəhradır. 3608 uşağa bu ad verilib. Populyarlıq qazanan digər qız adları isə Nuray (2538), Fatimə (2504), Aylin (1803), Ayan (1694), Zeynəb (1693), Xədicə (1244), Mədinə (1170), Mələk (1163), Məryəm (1162), Leyla (1112) adlarıdır.

Zəhra və Yusif adları son beş ildə Azərbaycanda ən çox qoyulan adlardır.

Statistikaya diqqət yetirəndə görürük ki, son illərdə valideynlər daha çox dini adlara üstünlük verir.

Mövzu ilə bağlı fikirlərini bölüşən yazıçı Etimad Başkeçid deyir ki, bizim camaat ad qoymanın əhəmiyyətini o qədər də anlamır:

“Qərbdə aparılan ciddi araşdırmalar göstərir ki, uşağa qoyulan ad onun bütün gələcəyinə təsir edir. Ad insanın həyatını bir növ proqramlaşdırır, ata-ananın uşaqdan tələbini və arzusunu əks etdirir. Ona görə də, uşağı olan adamdan istər-istəməz «adını nə qoydunuz» - soruşurlar. Dünya folklorunda adqoyma mərasimləri ilə bağlı kifayət qədər materiallar var. “Dədə Qorqud”da insanın gördüyü işlərin mahiyyətinə uyğun adlar verilir. Bu, metaforik anlamda da olsa, bizim tarixi ənənəmizi əks etdirir. Hazırda dini adların populyarlaşması heç də yaxşı tendensiya deyil. Bu, insanları fərdi fəaliyyət sferalarına yox, yalançı «ümmətçilik» şüuruna kökləyir. Bu şüurla uzağa getmək olmaz”.

Şair, “Xalq cəbhəsi” qəzetinin baş redaktoru Elçin Mirzəbəyli isə bildirir ki, bəzi dini adlar artıq milliləşib:

“Bəzi dini adlar Azərbaycanda milli adlar kimi qəbul olunur. Daha dəqiq desəm, milliləşib. Məsələn, Məhəmməd, Əli, Hüseyn, İbrahim, Yusif, Xədicə və Zeynəb kimi adlar. Yusif adının üstünlük daşımasının səbəbi Yusif peyğəmbərlə bağlı İran istehsalı olan filmlə əlaqədardır. Zənnimcə, ciddi bir sosioloji araşdırma aparılarsa, hansı bölgələrdə uşaqlara hansı adların daha çox qoyulması ilə bağlı bir mənzərə yarana bilər və bunun nəticəsində həmin bölgələrə hansı dini cərəyanların təsirinin çox olduğu da bəlli olar. Adlarla bağlı məsələ ciddi bir araşdırma mövzusudur. Milli adların azlıq təşkil etməsinin səbəbi isə bu istiqamətdə olan boşluqlarla bağlıdır. Azərbaycanda pafos və ritorika, vətənşüvənlik gerçək milliyyətçiliyin belini qırıb. Harada geri zəkalı, aşağı mədəniyyətli birisi var gəlib özünü sırıyır milliyyətçiliyə ki, daha tez önə çıxsın və öz primitiv düşüncəsini pərdələsin. Bir kəndin, bölgənin və bəlkə də ailəsinin, qohum-əqrəbasının çəkdiyi sərhədlərdən kənara çıxa bilməyənlər Azərbaycanın, türk dünyasının birliyindən və bütövlüyündən danışırlar. Saxta vətənpərvərlik insanları bezdirib. Qeyri-səmimi və gurultulu, şablon şüarlar, boşboğazlıq artıq milli düşüncə sahiblərini də qıcıqlandırır, ikrah doğurur. İnsanlar da başqa alternativlərə üz tutur. Səbəbi budur”.

news-inner-user

15791 məqalə

Oxşar xəbərlər

Xəbər lenti

Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Qadına görə başına bəla gələn məşhurlar
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxmaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020