writer1

Mirmehdi Ağaoğlu

Məqalə sayı

574
clock14:28 calendar-gray 13 Oktyabr 2014 view-gray1689 dəfə oxunub
view-gray1689 dəfə oxunub

Hollivudun Nuh biabırçılığı

“Nuh tufanı” bəşəriyyətin yaradılışı haqqında ən məşhur miflərdən biridir. Bu mif az qala dünyanın bütün xalqlarının, hətta ən ibtidai qəbilələrin mifologiyasında da var.

Rassel Krounun baş rolda oynadığı “Nuh” filminin treylerini görəndə açığı həvəslə bu filmə baxmaq istəmişdim. Peyğəmbərlər haqqında filmlər hər zaman maraq oyadır. Müqəddəs mətnlərdə rast gəldiyimiz əfsanələri vizual olaraq canlandıra bilirik.

Di gəl ki, “Nuh” filmi peyğəmbərlər haqqında olan ənənəvi filmlərdən tamamilə fərqlənir. Təbii ki, Nuh tarixi fiqur deyil, yaşadığı dəqiq tarix məlum deyil, amma bu, filmi fentezi janrında çəkmək üçün bəhanə ola bilməzdi.

Mifik qəhrəmanlar, dindən uzaqlaşmış xalqın qəribə geyimləri, Nuhun davranışları müqəddəs mətnlərdən gələn o mesajı çatdıra bilmir.

Nuh burda bəşəriyyəti məhv etməyə çalışan qəddar insan obrazında verilib. Onun tanrı ilə əlaqəsi yox dərəcəsindədir. Demək olar ki, ona vəhy gəlmir, o, hər şeyi öz məntiqi ilə yozur.

Rejissor Darren Aronovski müxtəlif vizual üsullarla Nuh tufanının mahiyyətini göstərmək istəsə də, baş tutmur. Hadisə çox sönük çatdırılır. Əvəzində effektlərə hesablanmış Hollivud filmi görürük.

Mel Gibson “İsanın əzabları” filmində bir peyğəmbərin daxili iztirablarını olduqca ustaca verə bilib. Aronovski isə Nuhun əzablarını göstərə bilməyib.

Baxmayaraq ki, Rassel Krou olduqca usta aktyordur. Baxmayaraq ki, özünün və ailəsinin xilası üçün bəşəriyyəti qurban verən Nuhun faciəsi bəşəriyyətin xilası üçün özünü qurban verən İsanın iztirablarından daha böyükdür.

İki saat on səkkiz dəqiqəlik filmdə mənə ən çox təsir edən isə Nuhun Allahın dünyanı yeddi gündə yaratmasını nəql etdiyi səhnə oldu. Aronovski bu yaradılışı təkamül ilə bağlayır. Yaradılışın bu izahı daha məntiqlidir. Yəni, dünyanın yaradılışında bir qüvvə var, amma bu yaradılış təkamül nəticəsində baş verib. Yəni tanrı ayrı-ayrılıqda sürünənləri, böcəkləri, quşları, primatları yaratmayıb. Bütün bunlar sudakı ilk canlıdan doğub törəyib.

Nuha qarşı çıxan adamlar isə dünyanı tufana sürükləyən o dinsiz qövmdən çox qorxu filmlərinin qəhrəmanlarına bənzəyirlər.

Bir daha əmin oldum ki, Hollivud bildiyimiz əhvalatları sadəcə məhv etməklə məşğuldur. Onun sənət yaratmaq məqsədi yoxdur, sadəcə kinoteatrlara tamaşaçı yığmaq istəyir... Və bir də onlara çoxlu-çoxlu pop-korn yedirtmək.

REKLAM

Yazarın digər yazıları

Xəbər lenti

Qara Qarayevin "Yeddi gözəl"i Moskvada nümayiş olunacaq
18:43 28 Yanvar 2021
Akademik Musiqili Teatr növbəti ilkə imza atdı - Video
18:01 28 Yanvar 2021
Çağdaş alman romanı Vilayət Hacıyevin tərcüməsində - Yeni nəşr
17:36 28 Yanvar 2021
Evlilik duyğuların zibil qutusudur – Dahilər ailə haqqında nə deyir?
17:19 28 Yanvar 2021
Sevgisizlikdən "uçan" qadınlar - Günel Mehri yazır...
16:40 28 Yanvar 2021
Aşıq Veysəlin nəvəsi babası ilə bağlı məşhur faktları inkar etdi
15:59 28 Yanvar 2021
"İstəyirəm xanımların mənə yazığı gəlsin" - Vaqif Səmədoğlu ilə müsahibə
15:18 28 Yanvar 2021
Xalq artisti: "Şəfiqə Məmmədovadan hamı narazıdır"
14:40 28 Yanvar 2021
Eyvaz Əlləzoğlunun 65 yaşı tamam olur – Onu yaxından tanıyaq
14:36 28 Yanvar 2021
Nobel ziyafəti verilən salon peyvənd mərkəzinə çevrilir
14:22 28 Yanvar 2021
Aktrisa 94 yaşında vəfat etdi
13:41 28 Yanvar 2021
Vaqifin ortadan qırılan siqareti – Babək Göyüş yazır...
13:01 28 Yanvar 2021
Sevgilisi ilə xanımını 4 ay bir evdə saxladı, yəhudi toyunda hamını ayağa qalxmağa məcbur etdi- Heç kimə bənzəməyən Rəmiş
12:30 28 Yanvar 2021
Ürək parçalayan şəhid məzarları – Günahkar kimdi?
11:50 28 Yanvar 2021
Azərbaycanlının evlilik təklifi niyə bayağı alınır?
11:07 28 Yanvar 2021
Anar evliliyinin 59 illiyini qeyd etdi - Fotolar
10:25 28 Yanvar 2021
Kann Film Festivalı təxirə salındı
10:02 28 Yanvar 2021
Orxan Pamukun romanları Qərbin gizli sifarişidir – Aqşin Yenisey yazır...
09:01 28 Yanvar 2021
“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021