Hər şey üçün sağ ol, tənhalıq

Hər şey üçün sağ ol, tənhalıq
15 iyul 2013
# 07:15

Kulis.az şairə Səhər Əhmədin yeni şeirlərini təqdim edir.

Qatar səsindən

Yelləndi sakit axşam.

Çıxıb getmək istədim,

Nə yaxşı, hələ sağam.

***

Bu gecə asandı yaşamaq,

Bütün hallarda.

Özümü önümdəki pəncərədən

Atmaq qədər asan.

***

Bağışla məni,

Pəncərə çərçivəsindən baxdığım ay,

İnan ki mən də

Sənin kimi param-parça,

Sənin qədər tənhayam.

***

Ən gözəl gecə ulduzların,

Ən ulduzlu gecə yalqızların.

Ən yalqız gecə həsrətlərin,

Ən həsrət gecə qürbətlərin.

***

Yarpaqlar çöldə ah çəkir,

Otağımda sönür şam.

Hər şeyçün sağ ol, tənhalıq,

Gözəl idi bu axşam.

***

Gecənin qoynunda

Yağış səsitək

ən köhnə nəğmədi həyat,

ən gerçək.

***

Yandırdım işıqları

Tənhalığın ala-toranlığında.

Oturub xeyli fikirləşdim

Və üç nöqtə qoydum

Bu axşamın varağında.

***

Gecələr sürgündə

Sabahın azanına qədər.

Qaranlıq ekranlarda

Filmlər “son” yazana qədər.

# 3193 dəfə oxunub

Oxşar xəbərlər

Tənqid darıxan insanın ucuz əyləncəsidir

Tənqid darıxan insanın ucuz əyləncəsidir

12:00 19 aprel 2025
Hardadır o nazirliklər, birliklər, ittifaqlar?

Hardadır o nazirliklər, birliklər, ittifaqlar?

21:00 14 aprel 2025
"Cəmiyyətdə  danabaşlaşma halları çoxalmağa başlayıb"

"Cəmiyyətdə danabaşlaşma halları çoxalmağa başlayıb"

18:15 9 aprel 2025
Allah o qədər bikar deyil

Allah o qədər bikar deyil

17:00 7 aprel 2025
Mehriban Ələkbərzadə nə edib?

Mehriban Ələkbərzadə nə edib?

15:00 7 aprel 2025
Dövrümüzün Mirzə Cəlili Elgiz Əkbər

Dövrümüzün Mirzə Cəlili Elgiz Əkbər

12:00 7 aprel 2025
# # #