İçli dialoq

Yazarlar

Ana səhifə
Yazarlar

İçli dialoq

26 sentyabr 2012

12:28

- Salam

- Necəsən?

- Orta şəkərli. Sən?

- Sənsiz...

- Neynirsən?

- Yazıram...

- Nə yazırsan?

- Sevgi məktubları...

- Oooo. Kimə?...

- Adsız ünvanlara, sahibsiz adlara…

- Necə oxuyum?

- Üzümə baxsan oxuyacaqsan...

- Mən səni neçə vaxtdi görmürəm axı... Necə oxuyum? Amma oxumaq istəyirəm…

- Oxuma, çox vaxtın gedər...

- Yaddaşım güclüdü...

- Yorularsan, usanarsan, vərəqləmək yorar səni... Vərəq-vərəq vərəqləmək gözlərini yorar sənin...

- Amma ruhum dincələr...

- Ruhmu önəmli, bədənmi?

- Mənim “bədənim ruhumun cəza köynəyidi”

- Bədən gedərdi, qalar deyil...

- Mən də gedəcəm

- Hara?

- Gəzməyə qərib şəhər, ölməyə kəndimiz yaxşı...

- Kim deyir ki, qəbrin orada olacaq?

- Buradamı dəfn edəcəksən?

- Səni urəyimdə dəfn edəcəm...

- Onda qoy ölüm, bu bəndi oxuya-oxuya:

“Məni qəlbində dəfn elə,
Kəfənsiz ölürəm, gülüm...”