Azərbaycan Dövlət Akademik Musiqili Teatrında məşhur “Şahmaran” əfsanəsi əsasında səhnələşdirilən eyniadlı rok müziklinə daxili baxış keçirilib.
Kulis.az xəbər verir ki, baxışda mədəniyyət nazirinin müavini Səadət Yusifova, mədəniyyət nazirinin müşaviri Cahangir Səlimxanov, Mədəniyyət Nazirliyinin sektor müdiri Böyükxanım Talıbova, həmçinin Xalq artisti Cahangir Novruzov iştirak ediblər.
Baxışdan sonra tamaşanın yaradıcı heyəti ilə geniş fikir mübadiləsi aparılıb, səhnə əsərinin bədii həlli, rejissor yozumu, musiqi və səhnə tərtibatı, aktyor oyunu və digər yaradıcılıq komponentləri ətrafında müzakirələr aparılıb.
Müzakirələr zamanı səsləndirilən rəy və təkliflər yaradıcı kollektiv tərəfindən nəzərə alınıb və tamaşanın teatrın repertuarına daxil edilməsi barədə qərar qəbul olunub.
Qeyd edək ki, “Şahmaran” rok müziklinin libretto müəllifi və quruluşçu rejissoru İradə Gözəlova, bəstəkarı Əməkdar artist Vüqar Camalzadə, quruluşçu rəssamı Vüsal Rəhim, xormeysteri Məlahət Qasımova, rejissor assistenti isə Elməddin Dadaşovdur.
Tamaşanın plastik həlli Xalq artisti Pərviz Məmmədrzayev və Zaur Əliyevə məxsusdur.
Səhnə əsərində əsas rolları Xalq artisti Pərviz Məmmədrzayev (Zalım), Aydan Həsənova (Şahmaran), Əmrah Dadaşov (Tələbə), Səmədzadə Xasiyev (Loğman), Hüseyn Əlili (Qara) və Murad Fərzəliyev (Boz) canlandırıblar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər