Ölülərini tabuta qoyub uçurumdan asanlar - FOTOLAR

Ölülərini tabuta qoyub uçurumdan asanlar - <span style="color:red;">FOTOLAR
22 may 2018
# 17:30

Filippində iqorot qəbiləsi 2 min illik adətini hələ də davam etdirir. Burada yaşlılar öz tabutlarını hazırlayır, sonra isə tabutlar basdırılmaq yerinə uçurumdan asılır.

Filippinin ən qələbəlik və ən böyük Luzon adasındakı Kordillera dağlarının uzaq bir guşəsində, Saqada kəndindəyik. Paytaxt Maniladan 8.5 saat uzaqlıqdakı bu kənddə qədim bir adət hələ də yaşadılır.

İqorot qəbiləsinin 2 min ildir həyata keçirdiyi adətə görə ölülər işləməli tabutlara qoyularaq uçurumun kənarından asılır. İqorotlar ölülərin bu şəkildə əcdadların ruhuna daha yaxın olduqlarını düşünürlər.

Yaşlılar ətrafdakı ağac kötüklərini oyaraq öz tabutlarını hazırlayır, sonra da kənarına adlarını yazırlar. Ölülər tabuta qoyulmadan əvvəl taxtadan hazırlanmış “ölü stul”unda üzərləri yarpaqlarla və ədyalla bağlı bir halda saxlanılır, tüstüyə verilərək çürümələri gecikdirilir. Beləcə ölünün yaxınları bir neçə gün ərzində onu ziyarətə gəlirlər.

Deyilənlərə görə əvvəllər tabutların ölçüsü balaca imiş. Buna görə də ölüləri tabuta ana bətnindəki kimi yerləşdirmək üçün sümüklərini qırırlarmış. Amma indiki tabutlar 2 metr uzunluğunda hazırlanır.

İqorotlar əvvəllər insanın dünyaya gəldiyi formada da bu dünyadan getdiyinə inanırdılar.

Hindqamışı yarpaqlarına sarılan cəsədlər tabuta qoyulmadan əvvəl tabutun dayanması üçün uçurumun divarlarına metal çubuqlar sancılır. Ölünün yaxınları inanırlar ki, ölünün sulanmış cəsədindən üzlərinə su damlasa işləri yaxşı gedəcək. Buna görə də tabutun altında dayanıb gözləyirlər.

Filippində sadəcə iqorotların dəfn mərasimi bu şəkildə keçirilir. Tabutları uçurum divarında saxlamaq adəti qabaqlar Çin və Hindistanın bəzi bölgələrində də tətbiq edilirdi.

Son illər tabutları görmək üçün kəndə gələn turist sayı xeyli artıb. Bu da kənd sakinlərinin dolanışığını yaxşılaşdırıb.

Turistlərə rəhbərlik edən Banqyay adlı kəndli qadın Saqadada belə məzarlıqların sayının azalmasına baxmayaraq bu adətin hələ uzun müddət davam edəcəyini söyləyir.

Banqyay özü də ölümdən sonrakı həyata bu şəkildə keçmək və “turistlərin rəhbərindən onların diqqətini çəkən əşyaya” çevrilmək istədiyini bildirir./ bbc.com/turkce

# 1526 dəfə oxunub

Oxşar xəbərlər

"Müstəqil Azərbaycan” sözü dilinizdən çıxmadımı? - Nərimanovun Leninə ittihamı

"Müstəqil Azərbaycan” sözü dilinizdən çıxmadımı? - Nərimanovun Leninə ittihamı

12:00 5 aprel 2025
19 yaşlı erməni 40 yaşlı Axundova sifariş verə bilərdimi? - İttihama cavab

19 yaşlı erməni 40 yaşlı Axundova sifariş verə bilərdimi? - İttihama cavab

11:25 3 aprel 2025
Anqolanın ilk prezidenti niyə Moskvada öldü? - Tarixin kulisi

Anqolanın ilk prezidenti niyə Moskvada öldü? - Tarixin kulisi

09:00 3 aprel 2025
Mirzə Fətəli Axundov “Hacı Qara” əsərini erməni xanın sifarişi  ilə yazıb - İDDİA

Mirzə Fətəli Axundov “Hacı Qara” əsərini erməni xanın sifarişi ilə yazıb - İDDİA

11:30 2 aprel 2025
Sevgilisi ilə birgə ərini öldürən qadın - Hamamda ölü tapılan reklam qurbanı kim idi?

Sevgilisi ilə birgə ərini öldürən qadın - Hamamda ölü tapılan reklam qurbanı kim idi?

09:00 2 aprel 2025
"O heç vaxt dəyişmədi..." - Sənətdə yaxın döyüşün ustası

"O heç vaxt dəyişmədi..." - Sənətdə yaxın döyüşün ustası

12:00 25 mart 2025
# # #