Səməd Səmədovla Nadir Qafarzadə itlərini evləndirmək qərarına gəlib. Onlar ATV-də çıxış edərək “qohum olacaqlarını” elan ediblər. Səməd Səmədov öz iti ilə Nadir Qafarzadənin itini “qovuşdurmaq” qərarına gəlib: “Biz onlara toy etmək qərarına gəlmişik”.

Nadir Qafarzadə də “quda” olmalarına münasibət bildirib: “İtimi Səməd Səmədovun evinə gəlin köçürəcəyəm. Biz quda olacağıq. Toyda isə dünya ulduzları oxuyacaq”.

Mətbuatın gündəmini zəbt edən bu olay ağızdan-ağıza dilləri dolaşır. Nadirlə Səmədin “it qudalığı” azmış kimi müğənni Rəqsanə də övladlığa it götürüb. Hətta Rəqsanə itinə kişi müğənnilərimizdən birinin adını vermək istəsə də, sonda Tomi adının üstündə dayanıb: İsmayılov Tomi Rəqsanə oğlu.

Kulis.az itləri ilə gündəm yaradan müğənnilərin it sevgisi haqda ziyalılardan açıqlama alıb.

Millət vəkili, yazıçı Aqil Abbasın olaya münasibəti kəskin və qısa olub. Millət vəkilinin dediklərini olduğu kimi təqdim edirik: “Mən düşük adamlar və onların düşük hərəkətləri haqda danışmıram. Bu haqda danışmağı özümə yaraşdırmıram. Elə belə də yazarsınız”.

Yazıçı Günel Mövlud isə müğənnilərin bu “hərəkət”lərini yüngül addım adlandırıb: “Bu hərəkət onların səviyyəsizliyinin göstəricisidir”.

Bundan sonra insanların müğənniləri toya çağırıb-çağırmayacağı sualına xanım yazıçının cavabı belə olub: ” Bundan sonra nəinki onları, hətta onların itlərini də toya dəvət edəcəklər”.

• İlham Cəmiloğlu vəfat etdi
• Qızı öldü, əri güllələndi, özünə qəsd etdi - Rəfiqəsini sevən şairin faciəvi həyatı
• Bölgələrdə müxtəlif səpkili tədbirlər təşkil olundu