Aktyorlarımız nə yeyib, nə içir? – SORĞU

Aktyorlarımız nə yeyib, nə içir? – <span style="color:red;">SORĞU
9 avqust 2016
# 17:28

Aktyorların qidalanma rejimi digərlərindən fərqlidir. Peşə gərəyi onlar bəzi qidalardan imtina etməli olurlar. Hətta “aktyor pəhrizi” deyə bir anlayış da var.

Bəs bizim aktyorlar necə qidalanırlar?

Kulis.Az bu barədə tanınmış aktyorlardan münasibət öyrənib. Cavabları təqdim edirik.

Şamil Süleymanlı: “Bu qidadansa mənəvi qida daha yaxşıdır”.

Məmməd Səfa: “Mənə elə gəlir ki, təkcə aktyor deyil, müəllim, həkim, yəni insan faktoru düzgün qidalanmalıdır. Pəhriz sağlamlıqdır. Tək aktyora aid eləməyək bunu. İnsan sağlam olmaq üçün pəhrizlə qidalanmalıdır. Yaş gəldikcə pəhrizi qoruyub saxlamaq lazımdır. Artıq yemək, yağlı yemək olmaz. Yüngül olmaq üçün yüngül yeməklər yeməlisən”.

Nürəddin Mehdixanlı: “Ağır yeməkləri xoşlamıram, yeyə bilmirəm. Daha çox təbii qidalarla qidalanıram. Pəhriz çörəkləri, yumurta, bal – bu sayaq yeməklər. Balıqdan istifadə edirəm. Rayona gedəndə kənd toyuğu alırıq. Evimizdə düyü sevilən qidalardandır. Yağlı yeməkləri xoşlamıram. Mən gündə iki dəfə yemək yeyirəm. Səhər və günorta. Axşam, ümumiyyətlə, yemək yemirəm”.

İlqar Cahangirov: “El dili ilə desək, Allah verəndən. Mənim dilim ilə desək, nə tapsam onunla. Məndə hələ ki, pəhriz olmayıb”.

Anar Heybətov: “Allah verəndən qidalanıram. Pəhrizə xüsusi fikir vermirəm”.

Firəngiz Mütəllimova: “Yağlı yeməklər yemirəm. Ətdə olan piyi, toyuğun dərisini çıxarıram, onları yeməkdən çəkinirəm. Bitki yağından çox istifadə edirəm. Daha sonra tərəvəzlərdən istifadə edirəm. Süfrəmdə kahı, göyərti daim olur. Axşam saat 7-dən sonra isə bircə meyvə yeyirəm. Yəqin ki, çoxları müşahidə edib, neçə vaxtdır formamı qoruyub saxlayıram. Hər gün piyada gəzirəm. Evdə də idman edirəm, müxtəlif alətlərlə. Düzgün qidalanmağa çalışıram. Bir də ən vacibi: altı-yeddi saat yatıram”.

Asya Atakişiyeva: “Mənim qidalanmağım dəhşətdir. Ağartı, yəni xama, kəsmik və ən əsası yoğurtlardan istifadə edirəm. Ət də yeyirəm, ancaq yesəm də çox az olur bu. Çörək və şirniyyat çox az istifadə etməyə çalışıram. Yağlı heç nə yemirəm. Belə çıxır ki, heç nə yemirəm. Qidalanmağa çox diqqət edirəm”.

# 1353 dəfə oxunub

Oxşar xəbərlər

Yatmış göyərçinləri azan səsi oyatdı - Ruslan Mollayevin şeirləri

Yatmış göyərçinləri azan səsi oyatdı - Ruslan Mollayevin şeirləri

15:00 3 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
#
#
# # #