Sentyabrın 18-dən 28-dək Heydər Əliyev Fondunun və Mədəniyyət və Turizm Nazirliyinin təşkilatçılığı ilə Bakıda Üzeyir Hacıbəyli VI Beynəlxalq Musiqi Festivalı keçiriləcək.

Mədəniyyət və Turizm NazirliyindənAPA-ya verilən məlumata görə, festivalda Rusiya, Belarus, Belçika, Litva, Latviya, Hollandiya, Avstraliyadan 55 nəfər tanınmış musiqiçi və kollektivlər iştirak edəcəklər.

Nazirlikdən bildiriblər ki, azərbaycanlı və xarici musiqiçilərin konsert proqramlarında birgə çıxışlar festivalın əsas ideyasını - mədəniyyətlərarası dialoq ideyasını əks etdirir. Festival günlərində Bakının musiqi tədrisi ocaqlarında ustad dərslərinin təşkili də planlaşdırılıb.

Festival çərçivəsində musiqisevərlər üçün Azərbaycan Dövlət Akademik Opera və Balet Teatrında V.A.Motsartın "Fiqaronun toyu" operasının premyerası nümayiş olunacaq. Həmçinin Azərbaycan Dövlət Filarmoniyasında Süleyman Ələsgərovun 90 illiyinə həsr olunmuş yubiley konserti təqdim ediləcək.

Festival proqramında Azərbaycan Bəstəkarlar İttifaqının təşkilatçılığı ilə "Türk xalqlarının musiqisi ortaq dəyərlər müstəvisində" adlı elmi-praktik konfrans, "Trio-klassik" ansamblının konserti və Muğam Ensiklopediyasının təqdimat mərasimi keçiriləcək.

• Serialdan qovulan aktrisanı kim əvəzləyəcək?
• Ərinin qisasını övladından alan ana - Vüqar Vanın romanı haqqında
• "Yoldaş nazir, mən bilirəm kimə şikayət edəcəm..." - Aqil Abbas