64-cü Beynəlxalq Berlin Kinofestivalında Lars fon Trierin “Nimfoman” filminin ilk hissəsinin premyerası keçirilib. Kulis.az-ın Rusiya mətbuatına istinadən verdiyi xəbərə görəmMütəxəssislər filmi insan hiperseksuallığı mövzusunun kino araşdırması hesab ediblər.

Filmdə Co adlı qadının əhvalatı (aktrisa Şarlotta Giznburqun ifasında) danışılır. Filmin posterinə “sevgini unudun” yazılıb. Filmi izləyən mütəxəssislər həmçinin filmdən erotik həzz almağı da unutmağı məsləhət görürlər. Onların dediyinə görə bu, monumental kinokonstruksiyadır.

Filmin premyerasına iştirakçılar – Uma Turman, Şayya la Beff də qatılıblar.

Rejissor qırmızı xalçaya “Kann festivalının Persona non qratası” yazılmış köynəkdə çıxıb. Onun bu hərəkətini 2011-ci ildə Hitler haqqında səmimi sözlərə görə Kann festivalından qovulması ilə əlaqələndirirlər. Bundan əlavə, Şayya la Beff də qırmızı xalçanın üstünə başına kağız torba keçirilmiş halda çıxıb. Bu paketin üstünə “Mən artıq məşhur deyiləm” yazılıb.

Jurnalistlərin “Seksual səhnələrdə çəkilmək ona nə qədər çətin olub?” sualına o, futbolçu Erik Kantonun sitatı ilə cavab verib:

“Qağayılar balıq ovlayan gəminin ardınca balıqlar suya tullanacaq ümidilə üzürlər.”- deyə cavab verib.

• Xalq artisti: "Plastik əməliyyatdan qorxuram"
• Ərdoğandan yeni təyinatlar
• Nə atan, nə anan, nə sevdiyin qadın... - Malik Atilayın yeni şeirləri