Şəkidə I Beynəlxalq Teatr Festivalına start verilib. APA-nın Şəki-Zaqatala bürosunun məlumatına görə, festival Mədəniyyət və Turizm Nazirliyinin və Şəki şəhər İcra Hakimiyyətinin birgə təşkilatçılığı ilə keçirilir. Festival çərçivəsində Azərbaycan milli peşəkar teatrının 142-ci mövsümünün təntənəli açılış mərasimi keçirilib.

Açılış mərasiminin rəsmi hissəsində son illər teatrların maddi-texniki bazasının yaxşılaşdırılması sahəsində həyata keçirilən məqsədyönlü tədbirlərdən bəhs edən film nümayiş etdirilib. Sonra mərasimi mədəniyyət və turizm naziri Əbülfəs Qarayev açaraq Azərbaycan teatrının keçdiyi tarixi yola qısa nəzər salıb. Teatr binasının yenidən qurularaq belə gözəl görkəm almasında, həmçinin teatrın inkişafında əməyi olan bütün insanlara təşəkkürünü bildirən nazir bu teatrda hələ bir çox layihələrin həyata keçiriləcəyinə əminliyini ifadə edib.

Şəki Şəhər İcra Hakimiyyətinin başçısı Elxan Usubov belə mötəbər tədbirin və festivalın Şəkidə keçirilməsinə görə Mədəniyyət və Turizm Nazirliyinin rəhbərliyinə minnətdarlığını bildirib. O deyib ki, Azərbaycanın qədim mədəniyyət mərkəzlərindən olan Şəki artıq festivallar şəhərinə çevrilib. Bu, cari ildə Şəkidə keçirilən sayca 4-cü beynəlxalq festivaldır.

• Avropanın paytaxtı niyə Amerikadır? - İran, İsrail, anamın laylası və bir neçə not
• İçərişəhərdə “Mənim Tanrım” sərgilənib
• Selfi çəkmək istəyirdi, qiymətli tablonu zədələdi

Rəsmi açılış mərasimindən sonra Sabit Rəhman adına Şəki Dövlət Dram Teatrının yaradıcı kollektivi tamaşaçılara festivalın ilk tamaşasını – İlyas Əfəndiyevin “Sevgililərin cəhənnəmdə vüsalı” əsəri əsasında hazırlanan tamaşanı təqdim ediblər.

Festival 10 gün davam edəcək.

• Avropanın paytaxtı niyə Amerikadır? - İran, İsrail, anamın laylası və bir neçə not
• İçərişəhərdə “Mənim Tanrım” sərgilənib
• Selfi çəkmək istəyirdi, qiymətli tablonu zədələdi