Sentybarın 30-da Beynəlxalq Mətbuat Mərkəzində (BMM) müğənni Xumar Qədimovanın Rəşad Məcidin sözlərinə yazılmış yeni mahnısının təqdimat mərasimi keçirilib. Kulis.Azın məlumatına görə mahnı “Bir də gəlməyəcək mən tək qadın” adlanır.

Azərbaycan Yazıçılar Birliyinin katibi, "525-ci qəzet"in baş redaktoru Rəşad Məcid mərasimi açıq elan edərək mahnının yaranma tarixçəsindən, X.Qədimovanın sənətindən bəhs edib. O, Xumar Qədimovanın öz dünyasının, fərqli səviyyəsinin olduğunu bildirib: “Bu şeiri 2011-ci ildə yazmışdım. Fikirləşirdim ki, bu sözlərə nəğmə qoşmaq çətin alınar. Amma Xumar xanım bunu eləyə bildi".

Xumar Qədimova isə çıxışında Rəşad Məcidin səmimi insan olduğunu, bu səmimiyyətin onun şeirlərində də öz əksini tapdığını vurğulayıb: “Rəşad müəllim mahnıya qulaq asanda təəccübləndi. O, ağlına gətirmirdi ki, mənim seçimim bu şeir üzərində olacaq. Mən heç vaxt mahnılarıma təqdimat keçirməmişəm. Bu təqdimatın keçirilməsini Rəşad Məcid istədi. Bu bəstədə hər bir insanın həyatında baş verə biləcək sevgidən bəhs edilib".

Daha sonra millət vəkilləri Aqil Abbas və Jalə Əliyeva, “Ədalət” qəzetinin baş redaktoru, yazıçı-publisist İradə Tuncay, “Xalq cəbhəsi” qəzetinin baş redaktoru, şair-publisist Elçin Mirzəbəyli, “Şərq” qəzetinin baş redaktoru Akif Aşırlı, aparıcı Rövşanə Bektaşi, jurnalist Anar Yusifoğlu və digərləri çıxış edib.

• Mətn kameradan güclü olanda... - Rəvan Cavid
• Bu aktyor filmdən getməsin deyə, ona hər gün yeni məşuqə gətirdilər - "Yol əhvalatı"nın GİZLİNLƏRİ
• Xurşidbanu Natəvanın qadın şair qohumları - Təranə Abdullayeva