Noyabrın 15-də Azərbaycan Milli İncəsənət Muzeyində Xalq rəssamı Maral Rəhmanzadənin (1916-2008) anadan olmasının 100 illiyi münasibətilə xatirə sərgisinin açılışı oldu. Kulis.azın məlumatına görə Sərgidə rəssamın realizm üslubunda işlədiyi ailəsinin kolleksiyasında, Azərbaycan Dövlət Rəsm Qalereyası və Azərbaycan Milli İncəsənət Muzeyinin fondunda saxlanılan rəngkarlıq və qrafika əsərləri nümayiş olunur.

Rəssamın “Dağ mənzərəsi”, “Göygöl”, “Dağ qızları”, “Naxçıvan gözəlləri”, “Qızlar bulağı”, “Avtoportret”, “İçərişəhər”, “Ordubad dağları”, “Xınalıq kəndi”, “Dağlar”, “Tarla sahibələri”, “Çayçı qızlar”, “Günəşin şirəsi” kimi 80-dən çox əsəri sənətsevərlərin ixtiyarına verilib.

Qeyd edək ki, Maral Rəhmanzadə 1916-cı il iyulun 23-də Bakıda anadan olub. 1930-1933-cü illərdə Azərbaycan Dövlət Rəssamlıq Texnikumunda oxuyub, 1940-cı ildə V.İ.Surikov adına Moskva Dövlət Rəssamlıq İnstitutunu bitirib. Təhsildən sonra doğma vətənə qayıdaraq ömrünün sonunadək yaradıcılıqla məşğul olub. M.Rəhmanzadənin geniş yaradıcılığı hər zaman sənətsevərlərin diqqət mərkəzində olub və yüksək qiymətləndirilib. O, milli təsviri sənətimizin inkişafındakı böyük xidmətlərinə görə "Şöhrət" ordeninə layiq görülüb. Rəssam 2008-ci ildə vəfat edib.

Sərgi noyabrın 19-da başa çatacaq.

• Ceyms Kemerondan "Terminator" etirafı
• Humay - Günel Natiqin hekayəsi
• Türk dünyasının gənc yazarlarının Bakı forumu keçiriləcək