“Çölçü” bədii filmi İndoneziyanın Cakarta şəhərində keçirilmiş “International Movie Award - 2014” kinofestivalının “Ən yaxşı rejissor işi” üzrə “Platinum mükafatı”na layiq görülüb. Bu barədə Lent.az-a filmin rejissoru Şamil Əliyev məlumat verib.

Xatırladaq ki, filmin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur.

Rollarda Vidadi Həsənov, Salome Demuria, Bəhruz Vaqifoğlu, Cavidan Məmmədov və başqaları çəkilib. Filmin süjet xətti şəhərdən uzaqda yaşayan gənc çölçünün qəsəbədən gəlmiş qızla tanışlığından sonra həyatında baş verənlər üzərində qurulub.

Qeyd edək ki, Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında lentə alınmış bu film 30-dək beynəlxalq kinofestival və forumlarda iştirak edərək bir neçə mükafat və diplomlara layiq görülüb. “International Movie Award - 2014” kinofestivalına 30 ölkədən 225 film seçilib. Filmlər “Platinum” və “Gold” olmaqla, 2 bölmədə mükafatlandırılıb.

Bundan əlavə “Çölçü” filmi Türkiyədə keçirilən III Beynəlxalq Van Gölü Film Festivalının müsabiqəsində də 4 mükafat qazanıb. Ən yaxşı film işinə görə, ən yaxşı rejissor işinə görə Şamil Əliyev, ən yaxşı ssenariyə görə Vidadi Həsənov, ən yaxşı aktrisa roluna görə Salome Demuria mükafatlandırılıb.

• Emin Əmrullayevə açıq məktub
• Darvinin məzarını rənglədilər
• II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı