Mina Rəşid
Son zəng
Bu gün son zəng çalınır
Həyəcanlıyam yaman.
Məni sevinclə qüssə
Bağrına basır bu an.
...Necə balaca idim
Müəllimim deyirdi.
Amma mən dərslərimi
Çox yaxşı söyləyirdim...
Yanımdakı hörüklü
Qızdan xoşum gəlirdi.
O da mənə baxanda
Şirin-şirin gülürdü.
İndi gənc bir qız olmuş
Mən də cavan bir oğlan.
Xalam "maşallah!" deyir,
Müəllimim "Nər oğlan!"
Fəqət qəlbimdə nisgil
Yurdumuz yad əlində.
Necə nəğmə söyləyim
Bu yaralı könlümdə?
Məktəbi bitirmişəm
Nigaranam Vətəndən...
Daha böyümüşəm mən
Bir əsgərəm bu gündən!
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
