Kulis.Az Aytən Nəsibbəylinin yeni şeirini təqdim edir.
Aygül Qurbanova üçün
Biz gözəlliyi şeirlərdə gördük, Balaca.
Şeir kimi yaşadıq
Sevgini də,
Kədəri də.
Əllərinə bax.
Gördüyün ləkədədir gözəllik.
Tutduğun qələmdir o.
Onlar anlamazlar.
Gülərlər.
Gəl onları bağışlayaq, Balaca!
Qalmasın kimsədən heç bir zərrə,
tikan daha.
Üzümə bax,
əllərimə.
Qollarım eləcə mürəkkəb yazısıdır.
Bax bizə elə bu ləkə yaraşır, Balaca.
Ağlama.
Yum gözlərini. Bir şeir de.
Dincələk, Balaca.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər