Noyabrın 18-20-də Ufa (Öfö) şəhərində Başqurdustan xalq şairi, Sosialist Əməyi Qəhrəmanı, dövlət və ictimai xadim, şair-dramaturq Mustay Kərimin anadan olmasının 100 illiyi ilə bağlı silsilə tədbirlər keçirilib.

Kulis.aza verilən məlumata görə, tədbiri Rusiya və Başqurdustan hökuməti və Mustay Kərim Fondu təşkil edib.

Zəngin proqramı olan (Mustay Kərim adına məktəbin və xatirə lövhəsinin açılışı, ustadın ağacların əkilməsi, Mustay Kərim şeir şöləninin keçirilməsi və s.) tədbir Toratau sarayında təntənəli yubiley gecəsi ilə davam edib.

Rusiya prezidenti Vladimir Putinin təbrik məktubu ilə açılan gecədə bir sıra dövlət və hökümət adamları, xarici qonaqlar, səfirlər çıxış ediblər.

Ölkəmizi yubiley tədbirlərində Azərbaycan Yazıçılar Birliyi sədirini müşaviri, yazıçı-dramaturq, publisist Elçin Hüseynbəyli təmsil edib. O, AYB sədri, xalq yazıçısı Anarın təbrik məktubunu mərasim iştirakçılarına çatdırıb.

“Mustay Kərim” günlərinin ən yaddaqalan hissəsi ustadın anadan olduğu Kuleş kəndində “xalq gəsintisi” olub.

Qonaqlar başqurdların zəngin mədəniyyəti, adət-ənənsi, folkloru və mətbəxilə tanış olublar.

Mərasim “Qızlar Qalası” dağında Mustay Kərimin şərəfinə tonqalın yandırılması və el şənlikləri ilə davam edib.

Tədbirə dəvət edilmiş qonaqlara Mustay Kərim adına xatirə medalı təqdim edilib.

“Mustay günləri” çərçivəsində Elçin Hüseynbəyli Başqurdustan Yazıçılar Birliyinin nümayəndələri ilə də görüşüb. Tərəflər ədəbiyyat sahəsində əlaqələrin intensivləşməsinin vacibliyini qeyd ediblər.

• Ədəbiyyat lüğətlərin və qrammatika kitablarının diktaturasından azad olmalıdır - Tanrıverdi Əliyev
• Onun ölüsünün üstünə gedən kafirdir! - Molla Sabiri niyə içirtmək istəyirdi?
• Bu çox bahalı proyektdi! – Azərbaycanda ədəbiyyat kanalı yaradılmalıdırmı?