Markesin ən son fotosu

Markesin ən son fotosu
6 aprel 2013
# 23:39

Nobel mükafatlı Kolumbiya yazıçısı Qabriel Qarsia Markes 86 yaşını qeyd edib. O, ad gününü Meksikadakı evində ailəsi və dostları ilə birgə keçirib. Böyük yazıçı 86 yaşında çox xoşbəxt olduğunu deyib.

Ad günü ərəfəsində Qabo üzündə təbəssüm, əynində narıncı köynək və boz kostyum, boğazında qalstuk öz evinin qarşısına çıxıb. Ona sarı qızılgüllərdən bağlanmış buket təqdim edilib (bu onun sevdiyi rəngdir).

1982-ci ilin Nobel mükafatçısı evinin qarşısına toplaşan jurnalistləri salamlayıb.

Yazıçının köməkçisi Genovevo Quiros və jurnalistlər dərhal "Happy Birthday" (“Ad günün mübarək”) mahnısını oxumağa başlayıblar.

Bu jestə görə jurnalistlərə təşəkkür edən Markes dönərək evinə girib.

Yazıçı Meksikaya 1961-ci ildə gəlib. İlk olaraq orada iki həftə qalmağı planlaşdırıbmış. Amma Meksikaya elə heyran olur ki, orada yaşamağa qərar verir. Markes məşhur “Yüz il tənhalıqda” romanını da burada yazıb.

Son illər yazıçının səhhətinin pisləşdiyi deyilirdi.

Yazıçının qardaşı Jeym Qarsia Markes bir müddət əvvəl bildirmişdi ki, Qabo demensiya xəstəliyindən əziyyət çəkir. “Tez-tez mənə zəng edərək adi məsələlərlə bağlı suallar verir. Onun yaddaşla bağlı problemləri var. Bəzən mən ağlayıram, çünki hiss edirəm ki, onu itirirəm.” Qardaşı bildirir ki, Qabo yazmağı bütünlüklə dayandırıb: “O, fiziki olaraq yaxşı vəziyyətdədir, lakin demensiyadan uzun zamandır ki, əziyyət çəkir. Onun həmişə olduğu kimi, indi də yumor hissi, sevinc və entuazmı qalmaqdadır”.

Demensiya - ağlın zəifləməsi, əvvəllər əldə edilmiş bilik və vərdişlərin, həyat keyfiyyətlərinin bu və ya digər dərəcədə itirilməsi, yenilərinin isə əldə edilməsinin mümkünsüzlüyü ilə xarakterizə olunan patoloji haldır.

Fox news-a istinadla oxuzali.az
7 mart 2013

# 3664 dəfə oxunub

Oxşar xəbərlər

Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
Nazsızdır fahişələr... - Rüstəm Behrudinin yeni şeirləri

Nazsızdır fahişələr... - Rüstəm Behrudinin yeni şeirləri

16:50 21 aprel 2025
Hüseyn Cavidin sovet tərəfdarı olan qardaşı - Mircəfər Bağırovun Naxçıvan səfəri nəyi dəyişdi?

Hüseyn Cavidin sovet tərəfdarı olan qardaşı - Mircəfər Bağırovun Naxçıvan səfəri nəyi dəyişdi?

12:00 21 aprel 2025
Səni sevməkdən də vacib işlərim var... – Qulu Ağsəs

Səni sevməkdən də vacib işlərim var... – Qulu Ağsəs

14:00 20 aprel 2025
# # #