Kulis.az gənc şair Furqanın yeni "Sonuncu qar" şeirini təqdim edir.
bilmək istəyirsən: qar yağır
bilmək istəyirsən: soyuqdu
bilmək istəyirsən: şeirlər
daha əvvəlkitək ovutmur.
əlimdən nə gəlir: heçbişey
əlimdən nə gəlir: paxıllıq
əlimdən nə gəlir: qartopu
atsam da, havada yox olur.
indi mən bilmirəm: neyləyim
indi mən bilmirəm: bu qarda
durum bir isti çay dəmləyim?
indi mən bilmirəm ki, harda
bir qoca quşları yemləyir?
uzaqda kimsə var: qəribdi
uzaqda kimsə var: gözləri
yoldadı, gözləyir haçandı
uzaqda kimsə var, kimsə var:
toxunsan ağlayar, naçardı.
bir nəfər danışsın: gülərək
bir nəfər danışsın: sevinim
bir nəfər desin ki, qar yağır,
qoy elə desin ki, isinim
bir nəfər danışsın, desin də:
bu şeiri nə ilə bitirim?
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
