İti, qurdu qovmuşuq – Tanınmış şair Ağdama şeir həsr etdi

İti, qurdu qovmuşuq – Tanınmış şair Ağdama şeir həsr etdi
2 dekabr 2020
# 10:15

Kulis.az tanınmış şair Zahid Xəlilin yenicə qələmə aldığı “Ağdamım, ağ şəhərim” şeirini təqdim edir.

Gözlərin aydın olsun
Ağdamım,ağ şəhərim!
Dağların ətəyində
Vüqarı dağ şəhərim.

Hər oğlun bir qəhrəman
Nə gizlədim,nə danım
Allahverdi Bağırov-
İgidim,pəhləvanım.

Görəydiniz bu günlər
Ordumuz nəyə qadir!
Faiq,Rövşən,Canbulaq,
Asif,Baxşeyiş,Nadir.

Muxtar Əlabbas,Fazil,
Ay Hidayət,İxtiyar.
Sizdən sonra nə qədər
Yeni qəhrəmanlar var.

İti, qurdu qovmuşuq
Ağdamın ortasından
Qisasınız alındı
Xalq qurtardı yasından.

Qələbəni görmədi
Famil Mehdi qardaşım
Yəqin bu gün tərpəndi
Şahmarın da baş daşı.

Əziz Rafiq müəllim,
Çağır gəlsin Xudunu.
Qoy töksün ekranlara
Ürəyinin odunu.

Otuz ildi bu şəhər
Darda qaldı,ay bala!
Bəs bu Ceyhun Mirzəyev
Harda qaldı,ay bala?

Nə durmusan, ay Rəmiş
Gitaranı alsana!
Ramiz kişi, o tarı
Bir ürəkdən çalsana!

Elman da yavaş-yavaş
Dindirər kamançanı.
Belə bir ansambla
Yer üzündə tay hanı!?

Qədir bir qıyya çəksin,
Qoy oyansın Səxavət.
Arif pəsdən oxusun
Bir də gözəl Nəzakət

Qoy kor qoysun düşməni
Mənsurun məlahəti
Oyansın Məcid kişi
Güldürsün bu milləti!

Gözlərin aydın olsun
Ağdamım,ağ şəhərim!
Dağların ətəyində
Vüqarı dağ şəhərim!

# 2821 dəfə oxunub

Oxşar xəbərlər

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025
Çadrasını atan ilk azərbaycanlı qadının qətli – İki əsr yaşı olan bina söküləcəkmi?

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025
Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
Nazsızdır fahişələr... - Rüstəm Behrudinin yeni şeirləri

Nazsızdır fahişələr... - Rüstəm Behrudinin yeni şeirləri

16:50 21 aprel 2025
# # #