İslamçılar piramidaları dağıtmağa hazırlaşır

Sənət

Ana səhifə
Sənət

İslamçılar piramidaları dağıtmağa hazırlaşır

14 noyabr 2012

11:03

Misir sələfilərinin lideri Şeyx Mərcan Səlim əl Cövhər televiziya verilişində piramida və Sfinks heykəlini büt adlandıraraq tarixi abidələrin dağıdılmasını tələb edib. Cövhəri 10 il əvvəl Taliban hərəkatının Əfqanıstandakı Budda heykəllərini dağıtdığını da xatırladıb.

İqtidardakı “Ənnahda” partiyasının sədr müavini verilişə telefonla bağlanaraq vətəndaşların piramidalara sitayiş etmədiyini və abidələri büt adlandırmağın yolverilməz olduğunu qeyd edib.

Misir Daxili İşlər Nazirliyi də Şeyx Cövhərinin çıxışına münasibət bildirib. Nazirlik piramidalara mümkün hücumlarla bağlı müdafiə tədbirləri atılacağını açıqlayıb.

Misirdə piramidalar başlıca gəlir mənbəyi hesab olunur. Ancaq ölkədə islamçıların getdikcə artan təsiri turizm işi ilə məşğul olanları narahat etməyə başlayıb. Bəzi sələfi qruplar turistlərə çimərlik paltarlarının və içkinin qadağan olunmasını tələb edirlər.

Fərid MİRZƏYEV