Layihə-“Kulis zarafatı”
Layihə çərçivəsində ironik yazılarla tanış olacaqsınız. Bu yazılarda cəmiyyətdəki problemlərə toxunulacaq, ancaq siz bu məqalələrin ironik olduğunu unutmayın. Yazılara bu nöqteyi-nəzərdən yanaşın.
Bizim bir dostumuz var, adını “Plov” qoymuşuq – həmişə məclisin axırında gəldiyinə görə...
***
Titanikə oxşayan avtovağzalın hələ heç təməli atılmadığı vaxtlarda Sumqayıtdan gələn avtobuslar “20 Yanvar” metrosunun yanında saxlayırdı. Metro girişi olduğuna görə, həmişə oralarda “bir kamaz” adam olurdu. Sürücülər də bilirdi ki, arxa qapını açsalar, sumqayıtlıların dili ilə desək, yetimin biri aradan çıxacaq, pulu verməyib tünlüyə qarışacaq.
- Şofer, arxa qapını aç...
-...
- Ə, manıs, arxa qapını aç da, gecikirik işə...
- Aə, səbir elə, qabaq qapıdan düşərsən.... Dünyanın harasında görünüb ki, “20 Yanvar”da arxa qapını açsınlar?!...
***
Son zamanlar sayı artan avtobus qəzalarından çıxartdığımız bir dərs var; artıq bilirik ki, avtobusun qabağı ilə arxası eyni yerə getməyə də bilər...
Bir gün qəbiristanlıqda armuda oxşayan qəbir görsəniz, bilin ki, orda mən yatıram. “Allah-Allah” ilə minib “Şükür Allaha” ilə düşdüyümüz avtobuslar da bunun səbəbidir.
Bir şüar da yazım, bu paraqraf da qəşəng görünsün: Biz ölümə tələsmirik, bizi tələsdirməyin...
***
İfraz etdiyi bir iki damcı sidiyin də dörddə üçünü analizə verən qocalara, əlbət ki, avtobusda yer vermək lazımdır. Amma onlara hörmət etməyimin ən ümdə səbəbini icazənizlə izah edim; qocalar avtobusun dalınca qaçmırlar, çünki artıq gedəcəkləri yeri bilirlər və ora tələsməyin mənasız olduğunu çoxdan qavrayıblar...
***
Hə, yadımdan çıxmışdı, pulunuz çatıb, düşərsiniz...
twitter.com/Yekebash
““Şofer, xodda avtobusu, Qarabağa sür...””
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Əriyən pendir, dünyəvi vəsvəsələr, arvadını sancan arı... - Salvador Dalinin ən məşhur əsərləri
15:00
11 may 2026
"Qadın cinsi ilə rəftar eləməyi bacarmayan..." - Şillerin "Məkr və məhəbbət"indən bir hissə
10:00
9 may 2026
Moskvadan gələn tabut, hava limanındakı məmurlar və ağlayan "Nəsimi" – Rasim Balayevlə baş tutmayan görüşün pərdəarxası
15:00
8 may 2026
"Qınadığım şeylərə qarşı məndə maraq oyatmağa haqqınız yoxdur..." - Floberin "Hisslərin tərbiyəsi" romanından sitatlar
10:00
8 may 2026
Ömrün səhnəyə həsr edilən 70 ili... - - O, nə vaxt teatr rəssamı olmaq qərarına gəlmişdi?
15:00
7 may 2026
"Ümid edirəm, Mübariz şəxsi həyatında qəhrəmanının buraxdığı səhvi buraxmayıb" - Müzakirə
12:00
7 may 2026
