Kulis.az yeni-“Kulis zarafatı” layihəsinə başlayır. Layihə çərçivəsində ironik yazılarla tanış olacaqsınız. Bu yazılarda cəmiyyətdəki problemlərə toxunulacaq, ancaq siz bu məqalələrin ironik olduğunu unutmayın. Yazılara bu nöqteyi-nəzərdən yanaşın.
Riyaziyyat kitablarında A məntəqəsindən B məntəqəsinə gedən avtobuslar vardı, noldu onların axırı?
***
- ərim səni çırpar.
- sənin ərin mənə heç nə eləyə bilməz.
- mənim ərim iki sənin boydadı.
- inək də yekə olur, amma onun da konservasını hazırlayırlar...
Mən bu dialoqu avtobusda eşitmişəm. Yer üstündə dalaşan bir qadın və kişi arasında olub. Yanımdakı “yekə başını o tərəfə çək” deməsəydi, indi yuxarıdakı dialoq dörd hissədən ibarət olmazdı, daha uzun yazardım.
Yanımdakının da dodağı qanamazdı.
(yekə başımı o tərəfə çəkəndə başım o biri yanımdakına dəydi.)
***
Avtobusa minəndə gördüm ki, insanlar bir-birinin üstünə çıxıb. Uzaqdan baxsan, elə bilərsən, bu, bir mərtəbəli yox, iki mərtəbəli avtobusdur. Deməli, “başım üstündə yerin var” sözünü ciddiyə alan adamlarla yol gedirəm. Yer üstündə dalaşanları görüb “torpaqlarımızın 20 faizi işğal altındadır, yer üstündə dalaşmağa sərf etdiyimiz gücü torpaq üstündə dalaşmağa xərcləsəydik, indi çoxdan o torpaqları azad etmişdik” dedim. Bir qoca kişi məni qucaqladı, hönkür-hönkür ağlamağa başladı. Arxadan üç oğlanın bir ağızdan qışqırdığını eşitdik; “şofer, xodda avtobusu, Qarabağa sür...”
***
Artıq bir neçə gündü ki, avtobusa minəndə eyni qızla rastlaşıram. Eşq, təsadüf, sevmək sözlərindən bir cümlə qurmuşam və neçə gündü dilimin ucunda fırladıram. Deyəsən, o da mənim düşündüklərimi düşünür. Cəsarətimi toplayıb basabasda ona yaxınlaşmaq istəyirəm. Bir keçəl dayı, iki gonbul xala, uzaqlıqda dayanan bu qıza deyiləsi ən azı bir salam sözüm var. Yanına gedib danışmaq istəyirəm. Elə ki, yerimdən tərpənirəm, sürücünün səsi eşidilir:
- Mehribanlıq səadətdir, camaat, səadəti yaşadalım... Sıxlaşın... Ə, yekəbaş, sən də bir az arxaya get...
Davamı var...
twitter.com/Yekebash
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
