Azərbaycan Milli Elmlər Akademiyası (AMEA) Naxçıvan Bölməsinin İncəsənət, Dil və Ədəbiyyat İnstitutunun böyük elmi işçisi, filologiya üzrə fəlsəfə doktoru Ramiz Qasımlının “Elm və təhsil” nəşriyyat-poliqrafiya müəssisəsində “Cəlil Məmmədquluzadə yaradıcılığında “kiçik” adam obrazlarının ictimai-bədii funksiyası” monoqrafiyası nəşr olunub.
AMEA-dan AzərTAc-a bildiriblər ki, monoqrafiyada Azərbaycanın ədəbiyyat tarixində, azərbaycançılıq ideologiyasının formalaşmasında əvəzsiz xidmətləri olan demokrat yazıçı və ictimai xadim Cəlil Məmmədquluzadənin geniş yaradıcılığının özünəməxsusluğu, ədibin ictimai-tarixi şəraiti, dövrü, mühiti, o dövr insanlarının sosial vəziyyəti, cəmiyyətdəki mövqeyi, azadlıq və əsarəti, onun həmişəyaşar əsərlərindəki “kiçik” adamların talelərindən bəhs olunur.
Monoqrafiya “Ön söz”, giriş, üç bölmə, nəticə və ədəbiyyat siyahısından ibarətdir.
Əməkdar Elm Xadimi, akademik İsa Həbibbəylinin rəyi, AMEA-nın müxbir üzvü Əbülfəz Quliyevin elmi redaktorluğu ilə işıq üzü görən yeni nəşrin ilk səhifəsində ümummilli lider Heydər Əliyevin Cəlil Məmmədquluzadə yaradıcılığı ilə bağlı fikirləri öz əksini tapıb.
“Cəlil Məmmədquluzadə yaradıcılığında “kiçik” adam problemi”, “Cəlil Məmmədquluzadə yaradıcılığında “kiçik” adam probleminin sosial mahiyyəti”, “Cəlil Məmmədquluzadə yaradıcılığında “kiçik” adam obrazının mənəvi-psixoloji aləmi” adlı bölmələrdə ədibin “Danabaş kəndinin əhvalatları”, “Danabaş kəndinin məktəbi”, “Poçt qutusu”, “Anamın kitabı” və digər əsərləri müəllif tərəfindən elmi cəhətdən təhlil edilir, “kiçik” adam obrazında olan insanların hər birinə xas qəhrəmanlıqlardan söz açılır.
Yeni nəşrdə, həmçinin görkəmli ədibin yaşadığı dövrün ən vacib məsələlərinin öz əksini tapdığı və “kiçik” adam obrazlarının yer aldığı əsərlərindən nümunələr gətirilmiş, əsərlərin mövzusu, janr xüsusiyyətləri, vətənpərvərlik motivləri, sadə adamların Vətənə məhəbbəti yığcam və ümumiləşdirilmiş şəkildə şərh edilmiş, Mirzə Cəlil yaradıcılığı zəngin materiallar əsasında qiymətləndirilib.
Monoqrafiya müəllimlər, ali məktəb tələbələri, elmi-tədqiqatçılar və əbəbiyyatçılar üçün nəzərdə tutulub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
