Fransada Məhəmməd peyğəmbərin karikaturaları dərc edilib

Sənət

Ana səhifə
Sənət

Fransada Məhəmməd peyğəmbərin karikaturaları dərc edilib

19 sentyabr 2012

13:20

Fransada nəşr olunan “Charlie Hebdo” adlı həftəlik satirik jurnal 19 sentyabr tarixli sayında Məhəmməd peyğəmbərin karikaturalarını dərc edib.

APA-nın “France Presse” agentliyinə istinadən verdiyi məlumata görə, karikaturalar jurnalın iç səhifələrində yerləşdirilib.

Jurnalın bu karikaturaları dərc etmək niyyəti bir gün əvvəl məlum olub. Fransa Müsəlmanları Şurası fakta etirazını bildirərək müsəlmanları bu provokasiyaya uymamağa çağırıb. Fransanın baş naziri Jan-Mark Ero (Jean-Marc Ayrault) isə Fransada söz azadlığının mövcud olduğunu bəyan edərək nəşrdən narazı qalanlara məhkəməyə müraciət etməyi məsləhət görüb.

Qeyd edək ki, “Charlie Hebdo” daha əvvəl də Məhəmməd peyğəmbərin karikaturalarını dərc edib. 2011-ci ilin noyabrında redaksiyanı binası bu səbəblə yandırılıb.