Bu il üçüncü Milli Kitab Mükafatı (MKM) keçiriləcək. Mükafatın təsisçisi Nigar Köçərli bu gün keçirilən mətbuat konfransında müsabiqənin yeni qaydaları haqda məlumat verib.
N.Köçərli bildirib ki, bundan sonra qaliblər də münsif olacaq: “Əsərləri noyabrın 16-na kimi MKM-ə elektron və ya poçt vasitəsi ilə göndərilməlidir. Martın 1-də ekspertlər tərəfindən müəyyən olunmuş 20 ən yaxşı əsərdən ibarət uzun siyahı, martın 15-də isə 10 əsərdən ibarət qısa siyahı müəyyənləşəcək. İyun ayının 4-də isə mükafatın qalibləri elan olunacaq. 1-ci yerin üç min, 2-ci yerin iki min, 3-cü yerin qalibi isə min manat pul mükafatı qazanacaq. Qaliblərin kitabları həm kağız, həm də elektron formatda çap olunacaq”.
Kulis.az-ın verdiyi məlumata görə bu il MKM-də yeni 3 nominasiya da təsis olunub: ən yaxşı şeir, ən yaxşı gənc yazar və ən yaxşı uşaq nağılı.
Beynəlxalq Mətbuat Mərkəzində keçirilən mətbuat konfransında “Qanun” nəşriyyatının direktoru Şahbaz Xuduoğlu deyib ki, ədəbi mühitin canlanmasında MKM-in xüsusi rolu var.
Ötən il Pərviz Cəbrayıla birincilik verildikdən sonra narazı qalan Rəşad Məcid də tədbirdə iştirak edib. “Qruplaşmaların əleyhinəyəm. Jurilər gərək kitabları oxusunlar. Başqalarından məlumat toplamasınlar. Hansısa maraqlar naminə hərəkət etmək düzgün deyil” – R.Məcid belə deyib.
Münsiflər heyətində yeni adlar da var. Millət vəkili Qənirə Paşayeva, xalq yazıçısı Əkrəm Əylisli, xalq şairi Sabir Rüstəmxanlı, rejissor Mehriban Ələkbərzadə, MKM-in qalibləri Elxan Qaraqan və Pərviz Cəbrayıl.
Milli Kitab Mükafatı 2009-cu ildə “Əli və Nino” Nəşriyyat evi tərəfindən təsis edilib. Layihənin baş sponsoru “Bakcell” şirkəti, rəsmi sponsoru “Bank Respublika” ASC və “Əli və Nino” Nəşriyyat evidir.
Fərid Mirzəyev
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Əriyən pendir, dünyəvi vəsvəsələr, arvadını sancan arı... - Salvador Dalinin ən məşhur əsərləri
15:00
11 may 2026
"Qadın cinsi ilə rəftar eləməyi bacarmayan..." - Şillerin "Məkr və məhəbbət"indən bir hissə
10:00
9 may 2026
Moskvadan gələn tabut, hava limanındakı məmurlar və ağlayan "Nəsimi" – Rasim Balayevlə baş tutmayan görüşün pərdəarxası
15:00
8 may 2026
"Qınadığım şeylərə qarşı məndə maraq oyatmağa haqqınız yoxdur..." - Floberin "Hisslərin tərbiyəsi" romanından sitatlar
10:00
8 may 2026
Ömrün səhnəyə həsr edilən 70 ili... - - O, nə vaxt teatr rəssamı olmaq qərarına gəlmişdi?
15:00
7 may 2026
"Ümid edirəm, Mübariz şəxsi həyatında qəhrəmanının buraxdığı səhvi buraxmayıb" - Müzakirə
12:00
7 may 2026
