Mart gəlsin, dərdini basım bağrıma

Mart gəlsin, dərdini basım bağrıma
15 fevral 2018
# 14:10

Qardaşxan

Bahar Zamanı

İt ilində doğulmuşam

It günündə yaşayıram

İt ili nə təhər marıtladısa

misramı əlimə çomaq götürdüm

dənizə baş vuran martılarısa

elə ilk misrama uyak götürdüm

it ili it olub qurd tək ulayır

bir ağız qar hürüb adam dolayır

üstünə gələnə quyruq bulayır

bu ili özümə nahaq götürdüm

girincə girincəm yorğun arğınam

mart gəlsin dərdini basım bağrıma

belə yorğunam ki düşüb yorğana

yorğanıma görə ayaq götürdüm

Lalə Zamanı

Quşbaşı qış laləsi

bənövşəsayaq olur

o cür alyanaq olan

bu cür ağappaq olur

göyün göy xalı olan

yerdə ağ xalı olur

özünün qara xalı

qapqara torpaq olur

anam da bir naz verir

xoş gəlmisən ağ oğlan

ağ atlı oğlan olsa

bir ümid tapmaq olur

laləsə nalə çəkir

Allah nə oda düşdüm

od oda qalananda

qiyamət qopmaq olur

ömrün ani bir anı

olur Lalə Zamanı

hər ana lalə ana

ata ağ zanbaq olur

ömrün qar uçqunundan

bir gün bu uçmaq olur

Lalə Vaxtında olan

ölür amma sağ olur

# 1362 dəfə oxunub

Oxşar xəbərlər

Möylə Mirzəliyev vəfat etdi

Möylə Mirzəliyev vəfat etdi

12:40 28 aprel 2025
Oskar mükafatlı aktyorun ölüm səbəbi məlum oldu

Oskar mükafatlı aktyorun ölüm səbəbi məlum oldu

12:38 28 aprel 2025
Məmməd Orucun "Köçürülmə"si - Təqdimat

Məmməd Orucun "Köçürülmə"si - Təqdimat

12:18 28 aprel 2025
Gənc musiqiçilərimiz Berlində

Gənc musiqiçilərimiz Berlində

12:10 28 aprel 2025
Barselonada 500 illik gəmi tapıldı

Barselonada 500 illik gəmi tapıldı

11:10 28 aprel 2025
Azərbaycanlı professorun kitabı Kembricdə

Azərbaycanlı professorun kitabı Kembricdə

10:40 28 aprel 2025
#
#
# # #