Bu yaxınlarda tanınmış şair Şəhriyar del Geranin erkən nikahla bağlı yazdığı status istifadəçilər tərəfindən birmənalı qarşılanmadı. Çox sayda fikirlər səsləndi, şairin mövqeyi tənqid olundu.

Kulis.az məsələ ilə bağlı psixoloq Günel Tağıdan münasibət öyrənib. Həmin cavabı təqdim edirik.

“Məgər nigah yalnız cinsi yetkinlik məsələsidir? Ola bilər, hansısa isti ölkədə cinsi yetişkinlik tez baş versin, məsələn isti ölkələrdə bu cinsi yetkinlik tez baş verir. Amma nikaha yalnız cinsi yetkinliyə görə qərar vermirlər. İnsanlar nikaha psixoloji yetkin olmalıdır. Psixoloqlar nikaha 21 yaşdan tez girməyi məsləhət görmürlər. Burada çox məsələ var; dünyagörüş formalaşmayıb, bədən toparlanmayıb və s. Bu, olduqca geniş mövzudur. İndiki uşaqlar ümumiyyətlə, psixoloji olaraq yaşlarından geri qalırlar.

Hamının nənəsini sorğulasaq, tez evlənib. Amma adamın özünün yaşı ilə doğduğu uşağı necə müqayisə etmək olar? Burada o qədər faktorlar var ki… Erkən nikaha girən şəxs nəinki özünün başqasının həyatında da problemlər yaradır.

Müəllif çox ziddiyyətli fikirlər yazıb. Məsələn, yazıb ki, qadın var 41 yaşda da nikaha hazır deyil. Bunu düz deyir. Demək istəyir ki, yaşa baxmır. Amma anlamaq istəmir ki, orta bir standart var”.

• Gövhər Rzayeva: "150 manatla dolana bilmirəm"
• Filmimiz Qran-priyə layiq görülüb
• Azərbaycan elminin əqidə şəhidi - O niyə özünə qəsd etmişdi?