Yazılmasa da hamının əməl etdiyi qaydalar - SİYAHI

Yazılmasa da hamının əməl etdiyi qaydalar - <span style="color:red;">SİYAHI
23 sentyabr 2016
# 14:26

Kulis.Az ictimai yerlərdə yazılmasa da mütləq əməl olunan qaydaları təqdim edir.

Marketdə növbəniz çatıbsa belə sizdən sonralarda dayanan və əlində ancaq bir şey olan adama mütləq yol verməlisiniz.

Avtobusda yer vermək. Lakin ifrata qaçmadan. Qadın hamilədirsə, ya da sərnişin yaşlıdırsa, ya da uşaqlıdırsa mütləq ona yer vermək gərəkdir.

Böyüklərin yanında siqaret çəkməmək daşlaşan etiketlərimizdən biridir. Düzdür, onlarla araq içirik. Nə olsun?! Qadağa siqaretə aiddir.

Avtobusda tanış adamın pulunu vermək gərəkdir. Düzdür, bu qayda çoxlarını yorub. Amma verməsəniz də düz çıxmır. Yaxşı ki, avtobuslara kart sistemi gəldi. Bu qayda bir azdan yox olacaq.

Qadınların yanında söyüş söyməmək də milli adətimizdir. Hamının anası-bacısı var.

Kişilər toya ağ köynək, qara şalvarda gedir. Bu qayda o qədər ənənəviləşib ki, işə bu qiyafədə gəlsəniz sizdən soruşacaqlar: Axşam toy var?

Teatrda popkorn yeməmək. Düzdür, teatrdan ötrü ölən xalq deyilik. Amma gedənlər də yemir. Kinoda isə başqa bir mənzərə yaranır. Sırf popkorn yemək üçün dostlarına qoşulub filmə gedən adamlar var.

Birinci xanımın əl uzatması qaydası da yazılmayan qaydalardır. İzahata ehtiyacı da yoxdur.

Son siqareti götürmək olmaz. Çünki son siqaret son güllə kimidir. Bəzən son siqaretə ehtiyac son gülləyə ehtiyacdan heç də az olmur.

Stolda siqaret çəkən varsa külqabıya heç nə atılmaz. Çox da geniş yayılmasa da siqaret çəkənlərin konstitusiyaya salmaq istədikləri bir qaydadır.

Pivə içməyən noxud da yeməz. Araq içməyən turşuya qonmaz. İçən adamların məşhur qaydasıdır.

Yeməyin yanında ayran, ya da meyvə şirəsi varsa onu da yeməyin son tikəsinə qədər saxlamalı, son tikə ilə son qurtumu içməli. Bu qaydaya hamımız əməl edirik. Amma heç harda yazılmayıb.

Hesab gələndə tualetə getmək olmaz. Burda başa düşülməməli bir şey yoxdur. Pulunuz yoxdursa belə bunu deyə bilərsiz. Tualetə getmək bicliyi yaxşı qəbul olunmur.

Adam arasında qulaqlıq taxmaq olmaz.

İctimai nəqliyyatda ayaqları aralayıb oturmaq olmaz.

Arxadan gələn üçün qapını tutub saxlamaq lazımdır.

Kafe və restoranda təksinizsə 7-8 nəfərlik stollarda oturmaq olmaz.

# 1429 dəfə oxunub

Oxşar xəbərlər

Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
#
#
# # #