Gənc yazıçı Ülviyyə Heydərovanın "Uşaqlıq" adlı monopyesi Moskvada keçirilən Beynəlxalq Müasir Dramaturgiya Müsabiqəsinin "Odinokiy artist" monopyeslər nominasıyasında uzun siyahıya düşüb.

Kulis.az-ın verdiyi xəbərə görə, Heydərovanın pyesi siyahıdakı 20 əsərdən biridir. Uzun siyahı bu nominasiyaya təqdim olunan 51 pyesin içindən seçilərək tərtib olunub.

Beynəlxalq müasir dramaturgiya müsabiqəsi üçüncü dəfədir ki keçirilir. Müsabiqə 4 nominasiyada aparılır: "XXI əsr" adlanan nominasiyada çağdaş zaman haqda orijinal pyeslər yarışır. "Görkəmli adamların həyatı" nominasiyası məşhurlar haqda bioqrafik pyeslər üçündür. "Tənha sənətkar" bölməsində həcmi 20 səhifədən çox olmayan monopyeslər yarışır. "Balaca şahzadə" adlanan nominasiya isə yeniyetmələrə həsr olunmuş pyeslər üçün nəzərdə tutulub.

Xatırladaq ki, müəllif məhz bu pyeslə 2018-ci ildə Almanıyanın Postdam şəhərində Höte İnstitutu tərəfindən keçirilən Next Stage Europe -2018 gənc dramaturqların festivalında Azərbaycanı təmsil edib. Əsər bu yaxınlarda festivalın yekunlarına dair dərc olunan almandilli topluda yer alıb.

• 1 aprel üçün: Bədii ədəbiyyatda yalan motivi - Mətanət Vahid
• Filmimiz beynəlxalq mükafata layiq görüldü
• "Dilləri lalım, necəsən?" - Günün şeiri