Rusiya Federasiyasının paytaxtı Moskva şəhərində - İctimai Palatada və Moskvanın Hökumət Evində Avrasiya Millətlər Assambleyasının Ali Şurasının növbədənkənar iclası və Rusiya Millətlər Assambleyasının konqresi keçirilib.

Kulis.az xəbər verir ki, tədbirlər çərçivəsində ədəbiyyat üzrə Avrasiyanın 2-ci LiFFt Festivallar Festivalının təşkilat komitəsinin mətbuat konfransı da olub. Bu il Rusiyanın Soçi şəhərində 37 olkənin 170 yazıçısının iştirakı ilə keçirilən festivalın qalibi Azərbaycan yazıçısı Varis Yolçuyev olduğu üçün 2019-cu ildə növbəti festivalın qalibinin vətənində keçiriləcəyi elan olunmuşdu.

Fesrtivalın Avrasiya üzrə qalibi Varis Yolçuyevin, eləcə də Rusiya üzrə qalibi Nikolay Şamsutdinovun “Qızıl LiFFt” seriyasından çıxmış kitabları ictimaiyyətə və mediaya təqdim edilib. Həmyerlimizin “Qızıl LiFFt” seriyasından ingilis, rus və ana dilində “Metamorfoz” adlı romanı çap olunub.

Təqdimatda Avrasiya ölkələri və Rusiyanın ictimai-siyasi, elm, ədəbiyyat xadimləri, diplomatik korpusların nümayəndələri, KİV nümayəndələri iştirak edib.

Xatirladaq ki, Avrasiya üzrə 1-ci LiFFt Festivallar Festivalının qalibi məşhur qazax yazıçısı Oljas Süleymenov olub.

• Divar - Azad Qaradərəlinin hekayəsi
• Sənə deyəcəklər necə “oğraşam” - Günün şeiri
• 3500 illik firon məzarı aşkarlandı