“Multikulturalizm” jurnalının yeni sayı çapdan çıxıb

“Multikulturalizm” jurnalının yeni sayı çapdan çıxıb
6 yanvar 2017
# 14:50

Bakı Beynəlxalq Multikulturalizm Mərkəzi, Azərbaycan Milli Elmlər Akademiyası və Azərbaycan Yaradıcılıq Fondunun birgə nəşri olan "Multikulturalizm" jurnalının dördüncü nömrəsi işıq üzü görüb.

Jurnal Azərbaycan Respublikasının Prezidenti İlham Əliyevin rəsmi tədbirlərdə çıxışı və sərəncamları ilə açılır.

Jurnalın “Multikulturalizm ili” bölməsində Azərbaycan Respublikasının millətlərarası, multikulturalizm və dini məsələlər üzrə Dövlət müşaviri akademik Kamal Abdullayevlə “Multikulturalizm ili”nin yekunlarına dair müsahibə yer alıb.

“Dünyanın tanınmış xadimləri” bölməsində akademik Vasim Məmmədəliyevin “Müasir İslam aləminin nüfuzlu liderlərindən biri – Şeyxülislam Allahşükür Paşazadə” yazısı, “Çoxmədəniyyətlilik” bölməsində Milli Elmlər Akademiyasının vitse-prezidenti İsa Həbibəylinin “Ha путях мультикультурализма: историка-литературные традиции и современная епоха” və şair, tərcüməçi, şərqşünas alim Nəriman Qasımoğlunun “Multikultural irsimizdə dini əks-səda” məqaləsi, “Reportaj” bölməsində İkinci Mahmudun “Taleyini Azərbaycana etibar edənlər” yazısı, “Homo Sapiens” rubrikasında “Bugünə necə gəlib çıxmışıq” kitabından “Silahlar” hissəsi çap edilib.

“Axundov zalı” bölməsində Azərbaycan ədəbiyyatının “Səksənincilər” nəslinə aid edilən 6 şairin 12 şeiri, “Höte zalı” rubrikasında isə görkəmli gürcü yazıçısı Nodar Dumbadzenin “Tamerlan” hekayəsi verilib.

“Tənqid və esseistika” rubrikasında fəlsəfə elmləri doktoru Niyazi Mehdinin “Avropa və müsəlman Şərqi – sualların metodologiyası” yazısı çap edilib.

“Forumlar, konfranslar, dəyirmi masalar” bölməsində V Bakı Beynəlxalq Humanitar Forumunun iştirakçıları ilə qısa müsahibələr işıq üzü görüb.

“Sönməyən ulduzlar” bölməsində oxucular “Sönməyən ulduzlar” teatrının fəaliyyətinə həsr olunmuş debatla tanış ola bilərlər.

Jurnalın “Region” əlavəsi Ahıska türklərinin yaradıcılığına həsr olunub. Bu bölmədə Usta Mürtəz, Zeynul Yektavi, Cabir Xalid, İlyas Xəlil, İlim Səfil, Güləhməd Şahin, Məhəmməd Paşaəliyev, Şahismayıl Adıgünlü, Muzeyfə Qoca Adıgünlü, Nurəddin Sasıyev, Həmdi Yitgün, Təzəgül Cövdətqızı, Şəmşir Şimşəkoğlu və Müsəddinin şeirləri çap edilib.

# 1567 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #