Nicat Məmmədovun əsəri ingilisdilli antologiyada

Nicat Məmmədovun əsəri ingilisdilli antologiyada
3 dekabr 2015
# 11:01

Şair, esseist və tərcüməçi Nicat Məmmədovun «Струение» (“Axın”) essesi nüfuzlu Best European Fiction 2016 antologiyasında özünə yer alıb. Kulisin məlumatına görə antologiya modern və postmodern təmayüllü marjinal-avanqard əsərlərin nəşri üzrə ixtisaslaşmış Dalkey Arxiv Press (ABŞ, İrlandiya, İngiltərə) nəşriyyatında çap edilib.

Bədii tərcüməyə həsr olunmuş Asymptote beynəlxalq jurnalına müsahibəsində nəşriyyatın redaktor köməkçisi, Pennsylvania Universitetinin müqayisəli ədəbiyyatşünaslıq üzrə doktoru və sözügedən antologiyanın tərtibatçısı Nathaniel Davis "Əvvəllər yetərincə təmsil olunmamış regionlara, dialektlərə yaxud ədəbi ənənələrə aid hansı yazılar sizdə xüsusi heyranlıq oyatdı?" sualına belə cavab verib:

“Builki Best European Fiction antologiyasında Azərbaycan ilk dəfə təmsil olunub. Bu vaxta qədər biz Azərbaycandan heç bir təklif almamışdıq, amma mən oranın Yazıçılar Birliyi ilə əlaqə yaratdım və onlar mənə üç müəllifin ingilis dilinə tərcümə edilmiş əsərlərini göndərdilər. Göndərilmiş əsərlər içindən mən Bakıda yaşayan gənc yazar Nicat Məmmədovun yazısını seçdim. Bu əsər Gertrude Stein, Robert Creeley yaxud Arkadi Draqomoşenko ənənələrinə yaxın inanılmaz eksperimental fəlsəfi poetik nəsr tərzində yazılmışdır. Məmmədovun əsərini oxuyanda dərhal anladım ki, bu yazı BEF antologiyasına daxil edilməlidir. Mənim üçün bu antologiya əslində Avropanın müxtəlif yerlərindən gələn və “dünya ədəbiyyatı”nın hətta aktiv oxucuları tərəfindən yan keçilən maraqlı və yenilikçi yazı metodikalarının axtarışıdır”.

# 1856 dəfə oxunub

Oxşar xəbərlər

Heydər məscidinə memarlıq abidəsi statusu verildi

Heydər məscidinə memarlıq abidəsi statusu verildi

14:15 28 aprel 2025
Əsrin vampirləri – Nərgizlər kimdir?

Əsrin vampirləri – Nərgizlər kimdir?

14:00 28 aprel 2025
Fidan Qafarov vəfat edib

Fidan Qafarov vəfat edib

14:00 28 aprel 2025
Azərbaycan “Bir Ud - Çoxlu Mədəniyyət” Forumunda

Azərbaycan “Bir Ud - Çoxlu Mədəniyyət” Forumunda

13:30 28 aprel 2025
Möylə Mirzəliyev vəfat etdi

Möylə Mirzəliyev vəfat etdi

12:40 28 aprel 2025
Oskar mükafatlı aktyorun ölüm səbəbi məlum oldu

Oskar mükafatlı aktyorun ölüm səbəbi məlum oldu

12:38 28 aprel 2025
#
#
# # #