Bakı Slavyan Universitetinin Məktəb-Lisey Kompleksində uşaq yazıçısı Reyhan Şıxlinskaya ilə şagirdlərin görüşü keçirilib.

Kulis.azın veridiyi xəbərə görə, görüşdə məktəbin müəllimləri və 5-6 -cı sinif şagirdləri iştirak ediblər.

• "Kapitan və Xəzər dənizi" filminin istehsalı yekunlaşıb
• Məşhur aktyor vəfat etdi
• Kinematoqrafçılarımız Kann Film Festivalında

Tədbir 5-ci sinif şagirdi Banu Məmmədlinin yazıçı haqqında dolğun məlumatı ilə başlayıb. Şagirdlər yazıçının “Dostum Mimi”, “Yaşıl gözlü qız”, “Uzaq planetin sirri” adlı kitablarından hekayələri danışıb, həmin hekayələr əsasında səhnəciklər göstəriblər.

Tədbir şagirdlərin Reyhan Yusifqızı Şıxlinskayaya onun əsərləri barədə verdikləri müxtəlif suallarla davam edib.

Sonda məktəbin direktoru İlahə Carçıyeva yazıçıya təşəkkürünü izhar edib.

Reyhan xanım öz növbəsində məktəbə, xüsusən dil-ədəbiyyat müəlliməsi İradə Nəbiyevaya tədbiri belə gözəl, uşaqların maraqları dairəsində təşkil etdiyinə görə təşəkkür edib: “Yazıçılarla görüş uşaqların həm kitab oxumasına, dünyagörüşlərinin artmasına, həm də ağır dərs prosesindən sonra sərfəli istirahətlərinə xidmət edir”.

• "Kapitan və Xəzər dənizi" filminin istehsalı yekunlaşıb
• Məşhur aktyor vəfat etdi
• Kinematoqrafçılarımız Kann Film Festivalında