Belçika hökuməti ölkəyə gələn miqrantlara “qarşı cinslə münasibət qurmaq qaydaları”nı öyrədəcək. Kulisin BBC-yə istinad verdiyi məlumata görə, əsasən, kişi miqrantlara aid olunan kurslarda “bir qadının açıq-saçıq geyinməsi onun sevişmək istəyi ilə bağlı olmadığı” anladılacaq.
Miqrantlara xəbərdarlıq ediləcək ki, qadınlara fit çalmaq, onlara toxunmaq olmaz.
Belçika Miqrasiya nazirinin köməkçisi Teo Franken tərəfindən bu məqsədlə açılış dərsi keçirilib.
Franken miqrantlara ölkəsindəki dəyərləri və cəmiyyətin ənənəsini izah eləyib. Belçikalıların bir-biri ilə necə salamlaşdığından tutmuş qarşı cinslə necə münasibət qurduqlarına qədər bir xeyli məlumatlandırıb.
Sosial Partiya isə ölkədəki bu vəziyyəti “miqrantları damğalamaq” kimi qələmə verərək tənqid edir.
Belçikanın fransızca danışılan bölgəsində eyni haqları müdafiə edən nazir İsabella Simonis də kursu “irqçilik” kimi dəyərləndirir.
Belçika hökuməti Almaniyanın Köln şəhərində Yeni il vaxtı yaşanan kütləvi təcavüz hadisəsindən sonra ölkəyə gələn miqrantların “başa salınması”na qərar verib.
Kurslar qısa müddət ərzində ölkədəki bütün miqrant mərkəzlərində başlayacaq.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
