Sovet dissident yazıçı Vladimir Bukovski vəfat edib.

Kulis.azın rus mətbuatına istinadən verdiyi xəbərə görə, 76 yaşlı yazıçı, oktyabrın 27-də, Kembricdə, ürək dayanmasından dünyasını dəyişib.

Vladimir Bukovski Sovet İttifaqında dissident hərəkatının banilərindən biri olub.

1960-cı ildə Moskva Dövlət Universitetinin tələbəsi olarkən o, Moskvanın mərkəzində Mayakovski heykəlinin yanında təşkil olunan azadfikirli poetik qiraətə qatılıb. “Mayakovski” aktivistlərindən bir neçəsi həbs olunub.

Bukovski özü 1963-cü ildə SSRİ-də qadağan olunmuş kitabların fotonüsxəsini hazırlamaq üstündə həbs olunub.

1966-cı ildə isə Qərbin müdafiə kompaniyası sayəsində azad olunur. Hökumət onun qarşısını ala bilmək üçün onu psixatrik xəstəxanaya yerləşdirir. 12 illik “müalicə”ni Bukovski yazmağa cəhd edir və sovet ruhi xəstəxanalarının siyasilərə qarşı repressiv metodlarını təsvir edir. Yazıları Qərbə ötürən Bukovski 1972-ci ildə antisovet təbliğatına görə 2 il həbs və 5 il sürgünə məhkum olunur.

1978-ci ildə həbs müddətini çəkmiş Vladimir Bukovskini Kommunist Pasrtiyasının lideri Çili Luislə dəyişirlər. Bukovski Böyük Britaniyaya köçür, Kembric universitetinə qəbul olunur və kitablarını yazmağa başlayır.

2015-ci ildə Britaniya prokurorluğu onu uşaq pornoqrafiyası istehsal etməkdə və saxlamaqda ittiham edir. Bukovski ittihamı rədd edir və prokurorluğun onun reputasiyasını qaraladığını iddia edir. Məhkəmə onun ağır ürək əməliyyatı keçirdiyini nəzərə alaraq bir neçə dəfə prosesi təxirə salır və 2018-ci ildə səhhətinin pisləşməsi üzündən dayandırır.

• Maradonanın gözləri
• Tanınmış Hollivud aktyoru vəfat edib
• Bəxtiyar Vahabzadənin kitabları Qırğızıstanda